ചങ്ങനാശേരി: എസ്.എൻ.ഡി.പി യോഗം ചങ്ങനാശേരി യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസലിംഗ് സെന്ററിന്റെ സഹകരണത്തോടെ യുവതീ യുവാക്കൾക്കുള്ള വിവാഹപൂർവ കൗൺസലിംഗ് കോഴ്‌സിന്റെ 69 ാമത് ബാച്ച് 24,25 തീയതികളിൽ ഓൺലൈനായി നടക്കും.
24ന് രാവിലെ 9ന് യൂണിയൻ പ്രസിഡന്റ് ഗിരീഷ് കോനാട്ട് കോഴ്‌സ് ഉദ്ഘാടനം ചെയ്യും. യൂണിയൻ സെക്രട്ടറി സുരേഷ് പരമേശ്വരൻ അദ്ധ്യക്ഷത വഹിക്കും. യൂണിയൻ വൈസ് പ്രസിഡന്റ് പി.എം ചന്ദ്രൻ മുഖ്യപ്രഭാഷണം നടത്തും. ബോർഡ് മെമ്പർ എൻ.നടേശൻ, കോർഡിനേറ്റർ അജയകുമാർ തുടങ്ങിയവർ പങ്കെടുക്കും. വിവിധ വിഷയങ്ങളിൽ ഗ്രെയ്‌സ് ലാൽ, രാജേഷ് പൊന്മല,സുരേഷ് പരമേശ്വരൻ, ഡോ.ശരത്ചന്ദ്രൻ, സജീവ് പൂവത്ത് എന്നിവർ ക്ലാസുകൾ നയിക്കും. കോഴ്‌സിൽ പങ്കെടുക്കാൻ ആഗ്രഹിക്കുന്നവർ യൂണിയൻ ഓഫീസിൽ നേരിട്ടോ ഓൺലൈനായോ 600 രൂപ അടച്ച് പേര് രജിസ്റ്റർ ചെയ്യണം. ഫോൺ: 9400512099, 9496885517, 8592016000.