കോട്ടയം. കേരള കോൺഗ്രസ് എം ജില്ലാ പ്രസിഡന്റിന്റെയും ഭാരവാഹികളുടെയും തിരഞ്ഞെടുപ്പ് 27ന് കെ.പി.എസ് മേനോൻ ഹാളിൽ നടക്കും. വിജ്ഞാപന പ്രകാരം വാർഡ് തലം മുതൽ നിയോജകമണ്ഡലം തലംവരെയുള്ള തിരഞ്ഞെടുപ്പ് നടപടികൾ പൂർത്തിയായിട്ടുണ്ട്. ഈ നടപടികൾ പൂർത്തിയാക്കിയ ശേഷമാണ് ഇപ്പോൾ ജില്ലാതല തിരഞ്ഞെടുപ്പിലേയ്ക്കും പ്രതിനിധി സമ്മേളനത്തിലേയ്ക്കും കടക്കുന്നത്. പാർട്ടി കേഡർ സംവിധാനത്തിലേയ്ക്ക് മാറുന്നതിന്റെ ഭാഗമായുള്ള ചിട്ടകളുടെ ഭാഗമായാണ് ഇപ്പോൾ ഓരോ തലത്തിലും തിരഞ്ഞെടുപ്പും സമ്മേളനവും നടക്കുന്നത്. 27 ന് ഉച്ചയ്ക്ക് 2.30 ന് നടക്കുന്ന സമ്മേളനം കേരള കോൺഗ്രസ് എം ചെയർമാൻ ജോസ് കെ.മാണി എം.പി ഉദ്ഘാടനം ചെയ്യും.