കോട്ടയം. ജനമൈത്രി പൊലീസിന്റെ ആഭിമുഖ്യത്തിൽ ജില്ലയിലെ വയോജനങ്ങൾക്കു വേണ്ടി സാന്ത്വനസ്പർശം പരിപാടി ഇന്ന് രാവിലെ 10 മുതൽ 2 വരെ കോട്ടയം എം.ഡി.സെമിനാരി സ്കൂൾ ഓഡിറ്റോറിയത്തിൽ നടക്കും. ജില്ലയിലെ വയോജനങ്ങളുടെ ആവശ്യങ്ങളും പരാതികളും ജനമൈത്രി ബീറ്റ് ഓഫീസർമാർ അവരുടെ ഭവനങ്ങളിൽ എത്തി കേൾക്കുകയും എത്രയും വേഗം പരിഹാരം കാണുകയും ചെയ്യുന്ന പദ്ധതിയാണിത്. ചീഫ് വിപ്പ് ഡോ.എൻ.ജയരാജ് എം.എൽ.എ ഉദ്ഘാടനം ചെയ്യും. ജില്ലാ പൊലീസ് മേധാവി കെ.കാർത്തിക് അദ്ധ്യക്ഷത വഹിക്കും. കാരിത്താസ് ആശുപത്രിയിലെ ഡോക്ടർമാരുടെ സേവനത്തിൽ മെഡിക്കൽ ക്യാമ്പ് നടത്തും. ഡിസ്ടിക്ട് സോഷ്യൽ ജസ്റ്റിസ് ഓഫീസർ ക്ലാസ് നയിക്കും.