കോട്ടയം. ഭാര്യയെ കൊലപ്പെടുത്താൻ ശ്രമിച്ച കേസിൽ കുറിച്ചി മലകുന്നം കണ്ണന്ത്ര ഹരിമോൻ കെ. മാധവനെ (35) ചിങ്ങവനം പൊലീസ് അറസ്റ്റ് ചെയ്തു. കഴിഞ്ഞ ദിവസം രാത്രി വാക്കേറ്റമുണ്ടാവുകയും ഭാര്യയെ കമ്പി കൊണ്ട് കുത്തുകയും തലയ്ക്ക് അടിക്കുകയുമായിരുന്നു. ഒളിവിൽ പോയ ഇയാളെ ജില്ലാ പൊലീസ് മേധാവി കെ.കാർത്തിക്കിന്റെ നേതൃത്വത്തിലുള്ള അന്വേഷണസംഘം ആലപ്പുഴയിൽ നിന്നും പിടികൂടി. എസ്.എച്ച്.ഒ ജിജു ടി.ആർ, സി.പി.ഒ മാരായ സതീഷ് എസ്, സലമോൻ, മണികണ്ഠൻ, ലൂയിസ് പോൾ എന്നിവരും അന്വേഷണ സംഘത്തിൽ ഉണ്ടായിരുന്നു. ഇയാളെ കോടതിയിൽ ഹാജരാക്കി റിമാൻഡ് ചെയ്തു.