പൊൻകുന്നം: ഒക്ടോബർ 12ന് നടക്കുന്ന 9-ാമത് ബി.എസ്.എൻ.എൽ റഫറണ്ടത്തിനു മുന്നോടിയായി ബി.എസ്.എൻ.എൽ എംപ്ലോയീസ് യൂണിയൻ ജില്ലാ കൺവെൻഷൻ കോട്ടയം താരാപഥ് ഭവനിൽ നടന്നു. സംസ്ഥാന സെക്രട്ടറി എം.വിജയകുമാർ യോഗം ഉദ്ഘാടനം ചെയ്തു. ജില്ലാ പ്രസിഡന്റ് സാബു ടി.കോശി അദ്ധ്യക്ഷത വഹിച്ചു. സെക്രട്ടറി പി.എൻ സോജൻ സ്വാഗതം ആശംസിച്ചു. അഖിലേന്ത്യാ അസി.സെക്രട്ടറി കെ.എൻ ജ്യോതിലക്ഷ്മി, സംസ്ഥാന ഓർഗനൈസിംഗ് സെക്രട്ടറി മനു ജി. പണിക്കർ, എ.ഐ.ബി.ഡി.പി.എ സംസ്ഥാന വൈ.പ്രസിഡന്റ് കെ.ഇ. എബ്രഹാം എന്നിവർ സംസാരിച്ചു. ജില്ലാ അസി.സെക്രട്ടറി ടി.കെ.ജിജോമോൻ നന്ദി പറഞ്ഞു.