കുമരകം: കുമരകം കലാഭവന്റെ നേതൃത്വത്തിൽ ഒക്ടോബർ 3 മുതൽ 5 വരെ കുമരകം ഗവ.എച്ച്.എസ് മിനിഹാളിൽ (കെ.എൻ സുഗണൻ നഗർ) നവരാത്രി ആഘോഷം നടക്കും. 3ന് വൈകുന്നേരം 5ന് പ്രസിഡൻ്റ് എം.എൻ ഗോപാലൻ ശാന്തി പതാക ഉയർത്തും. ഏറ്റുമാനൂർ ബ്ലോക്ക് പഞ്ചായത്ത് അംഗം മേഘല ജോസഫ് ഉദ്ഘാടനം നിർവഹിക്കും. വർക്കിംഗ് പ്രസിഡന്റ് ടി.കെ ലാൽജ്യോത്സ്യർ അദ്ധ്യക്ഷത വഹിക്കും. അഡ്വ.പി.കെ മനോഹരൻ, ദിവ്യാ ദാമോദരൻ, സാൽവിൻ കൊടിയന്ത്ര എന്നിവർ സംസാരിയ്ക്കും. 6.30ന് പാത്താമുട്ടം രഘു നയിക്കുന്ന സംഗീതസദസ്. 4ന് രാവിലെ 9.30 മുതൽ കുട്ടികൾക്കുള്ള കലാമത്സരങ്ങൾ. വൈകിട്ട് 5.30ന് നടക്കുന്ന കവിതാരാമം പ്രൊഫ: മാത്യു പ്രാൽ ഉദ്ഘാടനം ചെയ്യും. വൈസ് പ്രസിഡൻ്റ് പി.എസ് സദാശിവൻ അദ്ധ്യക്ഷത വഹിക്കും. ജഗദമ്മ മോഹനൻ, വി.കെ പ്രകാശൻ എന്നിവർ സംസാരിക്കും. 7ന് കലാഭവൻ കമ്യൂണിക്കേഷൻസ് അവതരിപ്പിക്കുന്ന കരോക്കെ ഗാനമേള. 5ന് രാവിലെ 8.30ന് വിദ്യാരംഭം, 11ന് കലാമത്സരങ്ങൾ. വൈകിട്ട് 5ന് നടക്കുന്ന സമാപന സമ്മേളനം മന്ത്രി വി.എൻ വാസവൻ ഉദ്ഘാടനം ചെയ്യും. തോമസ് ചാഴിക്കാടൻ എം പി മുഖ്യപ്രഭാഷണം നടത്തും. സിനിമാ താരം ഗായത്രി വർഷ പങ്കെടുക്കും. കുമാരി ആർദ്ര രാജേഷിനെ ചടങ്ങിൽ ആദരിക്കും. പറവൂർ മുൻസിഫ് മജിസ്ട്രേറ്റ് അരുന്ധതി ദിലീപ് സമ്മാനദാനം നടത്തും. കലാഭവൻ പ്രസിഡൻ്റ് എം.എൻ ഗോപാലൻ ശാന്തി അദ്ധ്യക്ഷത വഹിക്കും. പഞ്ചായത്ത് പ്രസിഡൻ്റ് ധന്യ സാബു ,ജില്ലാ പഞ്ചായത്ത് അംഗം കെ.വി ബിന്ദു ,ഫിലിപ്പ് സക്കറിയ, എ.വി തോമസ്, വി.ജി ശിവദാസ് ,കലാഭവൻ സെക്രട്ടറി എസ്.ഡി പ്രേംജി ,ജോ: സെക്രട്ടറി ഷീബ.ഇ എന്നിവർ സംസാരിക്കും.7ന് കലാഭവൻ ചാക്കോ അവതരിപ്പിക്കുന്ന ഫ്യൂഷൻ മ്യൂസിക്ക്.