പാലാ : കോടതി മുറ്റത്ത് യുവതിയെ ഭീഷണിപ്പെടുത്തിയ പൊൻകുന്നം എലിക്കുളം കാരിക്കകുന്നേൽ വീട്ടിൽ ടിജോ വർഗീസ് (42) നെ പാലാ പൊലീസ് പിടികൂടി. പാലാ സ്റ്റേഷനിൽ പ്രതിക്കെതിരെ നേരത്തെ യുവതി നൽകിയ ലൈംഗിക പീഡന കേസിൽ ജാമ്യത്തിലിറങ്ങിയ ഇയാൾ കുടുംബ കോടതിയുടെ മുറ്റത്ത് വച്ച് യുവതിയെ ചീത്തവിളിക്കുകയും, യുവതിയുടെ നഗ്നചിത്രങ്ങൾ സമൂഹ മാധ്യമങ്ങളിൽ പ്രചരിപ്പിക്കുമെന്ന് ഭീഷണിപ്പെടുത്തുകയുമായിരുന്നു. നഗ്നചിത്രങ്ങൾ യുവതിയുടെ ഫോണിലേക്ക് അയച്ച് കൊടുത്തു. യുവതിയുടെ പരാതിയിലാണ് അറ​സ്റ്റ്. എസ്.എച്ച്.ഒ കെ.പി ടോംസൺ, എസ്.ഐ അഭിലാഷ് എം.ഡി, എ.എസ്.ഐ ബിജു കെ തോമസ് എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.