വാരാണസി: യുവാവിന്റെ നടത്തം കണ്ട് സംശയംതോന്നി പരിശോധിച്ചപ്പോൾ കണ്ടത് മലദ്വാരത്തിൽ ഒളിപ്പിച്ച നിലയിൽ അരക്കിലോയാേളം സ്വർണം. വാരാണസി വിമാനത്താവളത്തിൽ കഴിഞ്ഞദിവസമായിരുന്നു യുവാവ് പിടിയിലായത്. ഇയാളെക്കുറിച്ചുള്ള കൂടുതൽ വിവരങ്ങൾ വെളിപ്പെടുത്തിട്ടില്ല.

കൂളായി വിമാനമിറങ്ങിയ യുവാവ് ക്ലിയറൻസിനായി എമിഗ്രേഷൻ കൗണ്ടറിലേക്ക് നടക്കുന്നത് കണ്ടപ്പോഴാണ് കസ്റ്റംസിന് സംശയം മണത്തത്. തുടർന്ന് ഇയാളെ തടഞ്ഞുവച്ച് വിശദമായി പരിശോധിച്ചു. അപ്പോഴാണ് മലദ്വാരത്തിൽ കറുത്ത നിറത്തിലുള്ള മൂന്ന് കാപ്‌സ്യൂളുകൾ ശ്രദ്ധയിൽപ്പെട്ടത്. ഇത് പുറത്തെടുത്ത് പരിശോധിച്ചപ്പോഴാണ് 34.36 ലക്ഷം രൂപ വിലമതിക്കുന്ന അരക്കിലോളം സ്വർണമാണ് ഉള്ളിലുള്ളതെന്ന് വ്യക്തമാതെന്നാണ് കസ്റ്റംസ് ഉദ്യോഗസ്ഥർ പറയുന്നത്. തുടർന്ന് ഇയാളെ അറസ്റ്റുചെയ്യുകയായിരുന്നു. സ്വർണക്കടത്തുസംഘങ്ങളുടെ കാരിയറായി പ്രവർത്തിക്കുന്ന ആളാണ് യുവാവെന്നാണ് കസ്റ്റംസ് സംശയിക്കുന്നത്. വിശദമായ അന്വേഷണം ആരംഭിച്ചിട്ടുണ്ട്.

കേരളത്തിൽ മലദ്വാരത്തിൽ ഒളിപ്പിച്ചുള്ള സ്വർണക്കടത്ത് വ്യാപകമാണ്. യുവതികൾ ഉൾപ്പടെയുള്ളവരാണ് പിടിയിലാകുന്നതിൽ ഏറെയും. കാരിയർമാരായാണ് ഇവരിൽ കൂടുതലും പ്രവർത്തിക്കുന്നത്.