ചണ്ഡീഗഢ്: പഞ്ചാബിലെ ആം ആദ്മി എംഎൽഎ ബൽജീന്ദർ കൗറിനെ ഭർത്താവ് സുഖ്‌രാജ് സിംഗ് ക്രൂരമായി മർദ്ദിക്കുന്നതിന്റെ വീഡിയോ വൈറലാകുന്നു. തൽവണ്ടി സാബോയിൽ നിന്ന് മത്സരിച്ച് രണ്ട് തവണ നിയമസഭാംഗമായ വ്യക്തിയാണ് സുഖ്‌രാജ് സിംഗ്.
ജൂലായ് പത്തിനാണ് സംഭവം നടന്നതെന്നാണ് വിവരം. ഇരുവരും തർക്കിക്കുന്നത് ദൃശ്യങ്ങളിൽ കാണാം. ശേഷം സുഖ്‌രാജ് എഴുന്നേറ്റ് വന്ന് കൗറിനെ തല്ലുന്നതാണ് വീഡിയോയിലുള്ളത്. ദമ്പതികൾക്കൊപ്പം നിന്ന ചിലർ സുഖ്‌രാജിനെ പിടിച്ചുമാറ്റുന്നതും ബൽജീന്ദറിനെ ആശ്വസിപ്പിക്കുന്നതും കാണാം. വീഡിയോ വൈറലായെങ്കിലും ഇരുവരും ഇതിൽ പ്രതികരിച്ചിട്ടില്ല. സംഭവത്തിൽ ബൽജീന്ദർ പൊലീസിൽ പരാതിപ്പെട്ടിട്ടില്ലെന്നാണ് വിവരം. അതേസമയം, വീഡിയോ ശ്രദ്ധിച്ചിട്ടുണ്ടെന്നും സംഭവത്തിൽ സ്വമേധയാ കേസ് എടുക്കുമെന്നും പഞ്ചാബ് സംസ്ഥാന വനിതാ കമ്മീഷൻ അദ്ധ്യക്ഷ മനീഷ ഗുലാത്തി പറഞ്ഞു. 2019 ഫെബ്രുവരിയിലാണ് ആം ആദ്മി പാർട്ടിയുടെ മജാ മേഖലയുടെ യൂത്ത് വിംഗ് കൺവീനറായ സുഖ്‌രാജ് സിംഗിനെ ബൽജീന്ദർ കൗർ വിവാഹം കഴിച്ചത്.
Empowering women is not a deterrent to stop violence against women.Shocking to see @BaljinderKaur_ MLA getting slapped in broad day light.Mindset of men has to change.
— Brinder (@brinderdhillon) September 1, 2022
The problem lies in the perpetrator’s of these acts.Change this male chauvinism attitude more then anything else pic.twitter.com/Qxm6rhrtht