തിരുവനന്തപുരം: മുഖ്യമന്ത്രി പിണറായി വിജയന്റെ നാൽപ്പത്തിമൂന്നാം വിവാഹ വാർഷികം ഇന്ന്. മുഖ്യമന്ത്രി തന്നെയാണ് ഇന്ന് ഞങ്ങളുടെ നാൽപ്പത്തിമൂന്നാം വിവാഹ വാർഷികം എന്ന കുറിപ്പോടെ ഭാര്യയുമൊത്തുള്ള ചിത്രം സോഷ്യൽ മീഡിയയിൽ പങ്കിട്ടത്. അധികം വൈകാതെ ചിത്രം വൈറലായി. നിരവധി പേരാണ് മുഖ്യമന്ത്രിക്കും ഭാര്യയ്ക്കും ആശംസകൾ നേർന്നത്. അദ്ദേഹത്തിന്റെ വിവാഹ ക്ഷണക്കത്തും സോഷ്യൽ മീഡിയയിൽ വൈറലായിട്ടുണ്ട്.

1979 സെപ്തംബർ രണ്ടിനാണ് വടകര ഒഞ്ചിയം തൈക്കണ്ടി സ്വദേശിനിയായ കമലയെ പിണറായി വിവാഹം കഴിച്ചത്. തലശ്ശേരിയിലെ സെന്റ് ജോസഫ്‌സ് സ്കൂളിലെ അദ്ധ്യാപികയായിരുന്നു കമല. കൂത്തുപറമ്പ് എം എൽ എയും സി പി എം കണ്ണൂർ ജില്ലാ സെക്രട്ടറിയേറ്റ് അംഗവും ആയി പ്രവർത്തിക്കുമ്പോഴായിരുന്നു വിവാഹം.