കേരളത്തിൽ മന്ത്രിയാകാൻ എന്തുകൊണ്ടും യോഗ്യനാണ് സ്പീക്കർ എ.ബി രാജേഷ് എന്ന് നടൻ ഹരീഷ് പേരടി. ഒരു കലാകാരൻ എന്ന നിലയ‌്ക്ക് താൻ ആഗ്രഹിക്കുന്നത് രാജേഷ് സാംസ്‌കാരിക മന്ത്രിയാകണമെന്നാണെന്ന് പേരടി ഫേസ്‌ബുക്കിൽ കുറിച്ചു. അതിന്റെ കാരണവും അദ്ദേഹം വ്യക്തമാക്കുന്നു.

ഫേസ്ബുക്ക് പോസ്‌റ്റിന്റെ പൂർണരൂപം-

'വർഷങ്ങൾക്കുമുൻപ് രാജേഷിന് SFIയുടെ ചുമതലയുള്ള കാലം..അന്ന് അദ്ധേഹം തലശ്ശേരി ബ്രണ്ണൻ കോളേജിലെ ഒരു വിദ്യാർത്ഥി യുണിയനിന്റെ പരിപാടിയിൽ പങ്കെടുക്കാൻ വന്നതായിരുന്നു...അന്ന് അവിടെ ഞാൻ "അങ്ങിനെയുള്ള സദാനന്ദനെ ആരാണ് ഇങ്ങിനെയാക്കിയത്" എന്ന കുളൂർസാറിന്റെ ഏക പാത്ര നാടകം ചെയ്തിരുന്നു...ആ നാടകം മുഴുവൻ കണ്ടതിനു ശേഷം സ്നേഹം പഠിപ്പിക്കാൻ ശ്രമിച്ച് പരാജയപ്പെടുന്ന സദാനന്ദന്റെ ആ നാടകം പങ്കുവെക്കുന്ന സാമൂഹ്യക ഉത്തരവാദിതത്തെ പറ്റി മനുഷ്യാവസ്ഥകളെ കുറിച്ച് എന്നോട് കുറച്ച് അധികം നേരം ആവേശത്തോടെ സംസാരിച്ച പഴയ SFI നേതാവിനെ ഞാൻ ഇന്നും അഭിമാനത്തോടെ ഓർക്കുന്നു...എന്തുകൊണ്ടും സാസംകാരിക മന്ത്രിയാവാൻ യോഗ്യൻ ...ഒരു കലാകാരൻ എന്ന നിലക്ക് ഞാൻ ജീവിക്കുന്ന എന്റെ കേരളത്തിൽ ഞാൻ ആഗ്രഹിക്കുന്നത്'