കൊല്ലം: കൊല്ലത്ത് വീണ്ടും മനുഷ്യക്കടത്ത്. ബോട്ട് മാർഗം ഓസ്‌ട്രേലിയയിലേക്ക് കടക്കാൻ ശ്രമിച്ച പതിനൊന്ന് പേർ പിടിയിൽ. ശ്രീലങ്കൻ സ്വദേശികളാണ് പിടിയിലായത്. കൊല്ലം നഗരത്തിലെ ലോഡ്ജിൽ നിന്നാണ് ഇവരെ പിടികൂടിയത്.
പിടിയിലായവരിൽ ഒൻപതുപേർ തമിഴ്നാട്ടിലെ ശ്രീലങ്കൻ അഭയാർത്ഥി ക്യാമ്പിൽ നിന്നുള്ളവരാണ്. പതിനൊന്നുപേരെയും കൊല്ലം ഈസ്റ്റ് പൊലീസും തമിഴ്നാട്ടിലെ ക്യു ബ്രാഞ്ചും ചേർന്ന് ചോദ്യം ചെയ്‌തുവരികയാണ്. കൂടുതൽ പേർ കൊല്ലത്ത് എത്തിയതായി റിപ്പോർട്ടുകളുണ്ട്.