തിരുവനന്തപുരം: സാധനങ്ങൾ വാങ്ങുമ്പോൾ ബില്ലിന്റെ പകർപ്പ് അയച്ചുകൊടുക്കുന്നവർക്കായി ജി.എസ്.ടി.വകുപ്പ് ഏർപ്പെടുത്തിയ ലക്കിബിൽ സമ്മാനപദ്ധതിയുടെ ആദ്യപ്രതിമാസ നറുക്കെടുപ്പിൽ കിളിമാനൂർ സ്വദേശി പി. സുനിൽകുമാർ സമ്മാനാർഹനായി. പത്തുലക്ഷം രൂപയാണ് സമ്മാനത്തുക. രണ്ടാം സമ്മാനം രണ്ട് ലക്ഷം രൂപയും മൂന്നാം സമ്മാനമായ ഒരുലക്ഷം രൂപയും അഞ്ച് പേർക്ക് വീതം കിട്ടി.

പോത്തീസിൽ നിന്ന് സാധനങ്ങൾ വാങ്ങിയതിന്റെ ബില്ലാണ് തിരുവനന്തപുരം കിളിമാനൂർ സജിആശുപത്രിക്ക് സമീപം ചിത്തിര വീട്ടിൽ പി. സുനിൽ കുമാർ ലക്കിബിൽ ആപ്പിൽ അയച്ചുകൊടുത്തത്.

25 ലക്ഷം രൂപ സമ്മാനമായി നൽകുന്ന ലക്കി ബിൽ ബംബർ നറുക്കെടുപ്പ് വിജയിയെ ഒക്ടോബർ ആദ്യ വാരം പ്രഖ്യാപിക്കും. സെപ്തംബർ 30 വരെ അപ്‌ലോഡ് ചെയ്യുന്ന ബില്ലുകളാണ് ബമ്പർ സമ്മാനത്തിനായി പരിഗണിക്കുന്നത്. ഇതുവരെ 1,15,000 ത്തോളം ബില്ലുകളാണ് ലക്കി ബിൽ മൊബൈൽ ആപ്പിൽ അപ്‌ലോഡ് ചെയ്തത്. പ്രതിദിന, പ്രതിവാര നറുക്കെടുപ്പിലായി ഇതുവരെ 750 ഓളം പേർ വിജയികളായി.

പ്രതിദിന നറുക്കെടുപ്പിൽ ഇതുവരെ വിജയിച്ചവർക്കുള്ള ഗിഫ്റ്റ് പാക്കറ്റുകൾ ഉടൻ അവരുടെ മേൽവിലാസതിൽ ലഭിച്ച് തുടങ്ങും. പ്രതിദിന നറുക്കെടുപ്പിലെ വിജയികൾക്ക് കുടുംബശ്രീ, വനശ്രീ എന്നിവർ നൽകുന്ന 1000 രൂപ വിലയുള്ള ഗിഫ്റ്റ് പാക്കറ്റാണ് സമ്മാനം.

പ്രതിവാര നറുക്കെടുപ്പിൽ വിജയികളായവർക്ക് കെ.ടി.ഡി.സി പ്രീമിയം ഹോട്ടലുകളിൽ രണ്ട് രാത്രിയും മൂന്ന് പകലും ഉൾപ്പെടുന്ന സൗജന്യ താമസ സൗകര്യമാണ് ലഭിക്കുന്നത്. വിജയികളായവർക്ക് മൊബൈൽ ആപ്പിൽ ലഭിച്ച സന്ദേശത്തിൽ ഉള്ള മൊബൈൽ നമ്പർ വഴിയോ, ഇമെയിൽ വഴിയോ താമസ സൗകര്യം ബുക്ക് ചെയ്യാം.

ആദ്യപ്രതിമാസ നറുക്കെടുപ്പിലെ മറ്റ് വിജയികൾ

പേര്, വീട്ട് പേര്, സ്ഥലപ്പേര്, ബില്ല് നൽകിയ സ്ഥാപനം എന്ന ക്രമത്തിത്തിൽ.

രണ്ടാം സമ്മാന വിജയികൾ

രമണി, തച്ചോളിഹൗസ്,വടകര, കോഴിക്കോട് (മൈജി വടകര), അഖിൽ എസ്,എസ്.വി.നിവാസ്, എടത്വ,ആലപ്പുഴ (വെഡ് ലാന്റ് വെഡിങ്സ് ഹരിപ്പാട്),

ഷിബിൻശശിധരൻ,പുലയനാർക്കോട്ട,തിരുവനന്തപുരം(സോച്ച്,തിരുവനന്തപുരം), ബിജുമോൻ.എൻ,ശ്രീകൈലാസത്ത്,ബാലഗ്രാമം,ഇടുക്കി (വരക്കുകാലയിൽസ്റ്റീൽസ് & സാനിറ്ററിസ്,നെടുങ്കണ്ടം) , അനിൽപ്രസാദ് എസ്,പഞ്ചമം,ഒയൂർ,കൊല്ലം(ലുലു,കൊച്ചി )

മൂന്നാം സമ്മാന വിജയികൾ

സുധാകരൻ എം,രാമന്തളി,കണ്ണൂർ (ലസ്റ്റർ ഗോൾഡ് പാലസ്, പയ്യന്നൂർ),സുനിൽ സി.കെ, ചെറിയമ്പറമ്പിൽ,ചെങ്ങമനാട്,ആലുവ(കല്യാൺജൂവലേഴ്സ്, അങ്കമാലി),സായ്നാഥ് സി,എയർഫോഴ്സ് സ്റ്റേഷൻ,ശംഖുംമുഖം, തിരുവനന്തപുരം (രാമചന്ദ്രൻമാൾ,തിരുവനന്തപുരം),സെൽവരാജൻ കെ.പി, ബി.എസ്.എൻ.എൽ ഭവൻ,സൗത്ത് ബസാർ,കണ്ണൂർ(ബ്രദേഴ്സ് ഗിഫ്റ്റ് സെന്റർ,കണ്ണൂർ ),അനുസുജിത്ത്,ശ്രവണം,കൊടിയത്ത്, തൃശൂർ(അൽഅഹലി ബിസിനസ്സ് ട്രേഡ് ലിങ്ക്സ്,തൃശൂർ.