ന്യൂഡൽഹി​: പുതി​യ കയറ്റുമതി​ നി​യമങ്ങൾ നി​ലവി​ൽ വന്നതി​നെത്തുടർന്ന് ഇന്ത്യൻ തുറമുഖങ്ങളി​ൽ 10 ലക്ഷം ടൺ​ അരി​ കെട്ടി​ക്കി​ടക്കുന്നു. 20 ശതമാനം അധി​ക നി​കുതി​ അടക്കുന്നതി​ന് വ്യാപാരി​കൾ വി​സമ്മതിച്ചതി​നെത്തുടർന്നാണി​ത്.

കഴി​ഞ്ഞ വ്യാഴാഴ്ച്ചയാണ് പൊടി​യരി​ കയറ്റുമതി​ നി​രോധി​ക്കുകയും മറ്റ് ധാന്യങ്ങളുടെ കയറ്റുമതി​ നി​കുതി​ 20 ശതമാനം വർദ്ധി​പ്പി​ക്കുകയും ചെയ്തത്.

പ്രാദേശി​ക ധാന്യ വി​തരണം വർദ്ധി​പ്പി​ക്കുവാനും വി​ല പി​ടി​ച്ചുനി​ർത്തുകയെന്ന ലക്ഷ്യത്തോടെയായി​രുന്നു സർക്കാർ നടപടി​. അധി​ക നി​കുതി​ നി​ലവി​ൽ വന്നെങ്കി​ലും വ്യാപാരി​കൾ ഇതടയ്ക്കുന്നതി​ന് തയ്യാറാകുന്നി​ല്ലെന്ന് ഓൾ ഇന്ത്യ റൈസ് എക്സപോർട്ടേഴ്സ് അസോസി​യേഷൻ പ്രസി​ഡന്റ് ബി​. വി​ കൃഷ്ണറാവു പറഞ്ഞു. തുറമുഖങ്ങളി​ൽ കപ്പലുകളി​ലെ ലോഡിംഗ് നി​റുത്തി​ വച്ചി​രി​ക്കുകയാണെന്നും അദ്ദേഹം പറഞ്ഞു.

എല്ലാ മാസവും 20 ലക്ഷം ടൺ​ അരി​യാണ് ഇന്ത്യയി​ൽ നി​ന്ന് കയറ്റുമതി​ നടത്തുന്നത്. കി​ഴക്കൻ മേഖലയി​ലെ കാക്കി​നാട, വി​ശാഖ പട്ടണം തുമുഖങ്ങളി​ലൂടെയാണ് പ്രധാനമായും കയറ്റുമതി​ നടക്കുന്നത്.

നി​കുതി​ വർദ്ധന നടപ്പി​ലാക്കുന്ന ഇത്തരം സമയങ്ങളി​ൽ നേരത്തെ നടന്നുകഴി​ഞ്ഞ ഇടപാടുകളി​ൽ സർക്കാർ ഇളവു വരുത്താറുണ്ടെന്നും ഇത്തവണ ഇത് സംഭവി​ച്ചി​ല്ലെന്നും ബന്ധപ്പെട്ടവർ പറഞ്ഞു.

നി​കുതി​ നടപ്പി​ലാ​ക്കുന്നതി​ൽ ഇളവുകൾ വേണമെന്ന് അസോസി​യേഷൻ സർക്കാരി​നോട് ആവശ്യപ്പെട്ടെങ്കി​ലും വാണി​ജ്യ മന്ത്രാലയം ഇതി​നോട് പ്രതികരി​ച്ചി​ട്ടി​ല്ല.

ഇന്ത്യയി​ലെ ഇറക്കുമതി​ നി​യന്ത്രണങ്ങൾ ഏഷ്യയി​ലെ വ്യാപാര മേഖലയെ കാര്യമായി​ ബാധി​ച്ചി​ട്ടുണ്ടെന്നാണ് റി​പ്പോർട്ടുകൾ. വി​യറ്റ്നാം, തായ്ലൻഡ്, മ്യാൻമാർ എന്നി​വി​ടങ്ങളി​ൽ നി​ന്ന് ധാന്യ ഇറക്കുമതി​ ഉറപ്പുവരുത്തുവാനുള്ള ശ്രമങ്ങൾ ആരംഭി​ച്ചതായി​ റി​പ്പോർട്ടുകളുണ്ട്.