സമർഖന്ത്: റഷ്യൻ പ്രസിഡന്റ് വ്ളാഡിമർ പുടിനെ ചിരിപ്പിച്ച് പാകിസ്ഥാൻ പ്രധാനമന്ത്രി ഷെഹബാസ് ഷെരീഫ്. ഉസ്ബസ്ക്കിസ്ഥാൻ വേദിയാകുന്ന 22ാമത് ഷാങ്ഹായ് സഹകരണ ഉച്ചകോടിയ്ക്കിടയിലാണ് പൊതുവേ ഗൗരവക്കാരനായി കണക്കാക്കുന്ന റഷ്യൻ പ്രസിഡന്റ് വ്ളാഡിമർ പുടിനെ പോലും ചിരിപ്പിക്കുന്ന സംഭവമരങ്ങേറിയത്. ഉച്ചകോടിയുടെ ഭാഗമായി നടന്ന ച‌ർച്ചയിൽ പരിഭാഷയ്ക്കായി ഉപയോഗിക്കുന്ന ഹെഡ്സെറ്റ് കൃത്യമായി ഉപയോഗിക്കാൻ കഴിയാതെ വന്നതാണ് പാകിസ്ഥാൻ പ്രധാനമന്ത്രി, ഷെഹബാസ് ഷെരീഫിന് വിനയായി മാറിയത്. ഇരു രാഷ്ട്രതലവൻമാരും തമ്മിലുള്ള മുൻകൂട്ടി നിശ്ചയിച്ച ചർച്ച ആരംഭിക്കുന്നതിന് മുൻപ് തന്നെ പാകിസ്ഥാൻ പ്രധാനമന്ത്രിയുടെ ഹെഡ്സെറ്റ് അനുസരണക്കേട് കാണിക്കുന്നതായി പ്രതിപക്ഷ പാർട്ടി അംഗങ്ങളടക്കം ട്വീറ്റ് ചെയ്ത വീഡിയോയിൽ കാണാം. ഹെഡ്സെറ്റ് ശരിയായി ചെവിയിലുറപ്പിക്കുന്നതിൽ പരാജയപ്പെട്ടതോടെ ഒടുവിലെത്തുന്ന സഹായിയാണ് ഷെഹബാസ് ഷെരീഫിന് രക്ഷകനായി മാറുന്നത്. പ്രശ്നങ്ങളെല്ലാം മാറി ചർച്ച പുനരാരംഭിക്കാൻ സമയം ഹെഡ്സെറ്റ് വീണ്ടും അദ്ദേഹത്തിന്റെ ചെവിയിൽ നിന്ന് ഊർന്ന് താഴെ പോകുന്നതോടെ ഇതെല്ലാം തൊട്ടടുത്തുള്ള കസേരയിൽ ഇരുന്ന് വീക്ഷിക്കുന്ന പുടിൻ ചിരി അടക്കാൻ പാടുപെടുന്നത് ദൃശ്യങ്ങളിൽ വ്യക്തമാണ്.
This CrimeMinister is a constant embarrassment for Pakistan. Even President Putin had to eventually just laugh at this clumsy man. Pathetic. This is what conspirators wanted? To have by design a politician who would not only be a crook but also a pathetic apology for a PM? pic.twitter.com/mmEhLY7RZg
— Shireen Mazari (@ShireenMazari1) September 15, 2022
റഷ്യ - യുക്രൈൻ സംഘർഷത്തിനിടയിലും പാക് പ്രധാനമന്ത്രിയ്ക്ക് പുടിനെ ചിരിപ്പിക്കാനായെങ്കിലും, സംഭവം അത്ര രസകരമായല്ല പാകിസ്ഥാനിൽ പ്രചരിക്കുന്നത്. ഷെഹബാസ് ഷെരീഫ് പാകിസ്ഥാനെയാകെ നാണംകെടുത്തി എന്ന അടിക്കുറിപ്പോടെയാണ് മുൻ മന്ത്രിയും പ്രതിപക്ഷ പാർട്ടി നേതാവുമായ ഷിറീൻ മസാരി ച‌ർച്ചയിലെ ദൃശ്യങ്ങൾ ട്വിറ്റർ വഴി ഷെയർ ചെയ്തത്. കൂടാതെ പാകിസ്ഥാൻ പ്രതിനിധി സംഘം ഉച്ചകോടിയിൽ ഔപചാരിക മര്യാദയില്ലാതെയാണ് പങ്കെടുത്തത് എന്ന് ആരോപിച്ച് കൊണ്ടുള്ള ചിത്രങ്ങളും പ്രതിപക്ഷ അംഗങ്ങൾ ട്വീറ്റ് ചെയ്തിട്ടുണ്ട്.
لیکن تصویر میں تو ایک فریق نوٹ لکھ رہا ہے اور دوسرا نکموں کی طرح بیکار بیٹھا ہوا ہے، لگتا تو یہی ہے کہ بیکار بیٹھا ہوا فریق بغیر کوئی کام کیے ہوئے یہاں بھی کسی بھیک کے اعلان کے انتظار میں ہے۔ https://t.co/dDaNp2ZchB pic.twitter.com/3yzIEpzshm
— Qasim Khan Suri (@QasimKhanSuri) September 15, 2022
കോവിഡ് മൂലം രണ്ട് വർഷത്തെ ഇടവേളയ്ക്ക് ശേഷം നടക്കുന്ന ഷാങ്ഹായ് സഹകരണ ഉച്ചകോടിയ്ക്കാണ് ഉസ്ബക്കിസ്ഥാൻ ആതിഥോയത്വം വഹിക്കുന്നത്. ഇന്ത്യൻ പ്രധാനമന്ത്രി നരേന്ദ്ര മോദി അടക്കമുള്ള 8 രാഷ്ട്രത്തലവൻമാർ സമ്മിറ്റിൽ പങ്കെടുക്കുന്നുണ്ട്.