ചെന്നൈ: തമിഴിലെ യുവനടി ദീപയെ ഫ്ളാറ്റിൽ മരിച്ച നിലയിൽ കണ്ടെത്തി. ചെന്നൈയിൽ നടി താമസിക്കുന്ന അപ്പാർട്ട്മെന്റിലാണ് ഇന്ന് ഉച്ചയ്ക്ക് തൂങ്ങിമരിച്ച നിലയിൽ കണ്ടെത്തിയത്. 29 വയസായിരുന്നു. ആത്മഹത്യയെന്നാണ് പൊലീസിന്റെ പ്രാഥമിക നിഗമനം. നിരവധി ടെലിവിഷൻ ഷോകളിലും തമിഴ് ചിത്രങ്ങളിലും സജീവമായിരുന്നു ദീപ. പോളിൻ ജെസീക്കയെന്നാണ് യഥാർത്ഥ പേര്.

ചെന്നൈ വിരുഗമ്പാക്കത്തെ സ്വകാര്യ അപ്പാർട്ട്മെന്റിൽ താമസിക്കുന്ന നടിയുടെ മൊബൈലിൽ ബന്ധപ്പെടാൻ ശ്രമിച്ചിട്ടും എടുക്കാതിരുന്നതോടെ വീട്ടുകാർ സുഹൃത്തിനെ വിവരം അറിയിച്ചു. തുടർന്ന് സുഹൃത്ത് ഫ്ളാറ്റിൽ എത്തിയപ്പോഴായിരുന്നു ദീപയെ മരിച്ച നിലയിൽ കണ്ടെത്തിയത്.