വിമാന യാത്രയ്ക്കിടെ യാത്രക്കാരൻ അസ്വസ്ഥനായി. പെഷവാറിൽ നിന്ന് ദുബായിലേക്കുള്ള വിമാനയാത്രയ്ക്കിടെയാണ് തന്നെ വിമാനത്തിൽ നിന്നും ഉടൻ ഇറക്കണം എന്നാവശ്യപ്പെട്ടാണ് പാക് പൗരൻ ബഹളം വച്ചത്. വിവസ്ത്രനാവാൻ ശ്രമിച്ച ഇയാൾ ഷർട്ടൂരിയ ശേഷം വിമാനത്തിന്റെ വാതിൽ തുറക്കാൻ ശ്രമിക്കുകയും, ജനൽ അടിച്ച് പൊളിക്കാൻ തയ്യാറാവുകയും ചെയ്തു. ഇതേ തുടർന്ന് വിമാനത്തിലെ ഉദ്യോഗസ്ഥരും, യാത്രക്കാരും ചേർന്ന് ഇയാളെ സീറ്റിൽ കെട്ടിയിട്ടു.

#Watch: In a shocking incident, a passenger on a #Pakistan International Airlines (#PIA) #Peshawar to #Dubai flight created chaos midflight when he started kicking the aircraft's window, punching seats, and indulging in a brawl with the flight staff. @odysseuslahori @BushraGohar pic.twitter.com/sW1ILpUz5f

— Mahar Naaz (@naaz_mahar) September 19, 2022

യാത്രക്കാരൻ അസ്വാഭാവികമായി പെരുമാറിയതിനെ തുടർന്ന് വിമാനത്തിന്റെ ക്യാപ്ടൻ ഉടൻ വിവരം ദുബായ് എയർ ട്രാഫിക് കൺട്രോളറെ അറിയിച്ചു. വിമാനത്തിന് സുരക്ഷ ആവശ്യപ്പെട്ടായിരുന്നു ഇത്. തുടർന്ന് വിമാനം ദുബായിൽ ഇറങ്ങിയപ്പോൾ സുരക്ഷാ ഉദ്യോഗസ്ഥർ ഇയാളെ കസ്റ്റഡിയിലെടുത്തു.