30ന് റിലീസ്

കോമഡി ഷോകളിലും സിനിമകളിൽ സഹവേഷങ്ങളിലും അഭിനയിച്ച ബിനു തൃക്കാക്കര, ശരണ്യ രാമചന്ദ്രൻ എന്നിവരെ നായകനും നായികയുമാക്കി ബി.സി നൗഫൽ സംവിധാനം ചെയ്യുന്ന കോമഡി ഫാമിലി എന്റെർനെയ്നർ 'മൈ നെയിം ഈസ് അഴകൻ' സെപ്തംബർ 30ന് തിയേറ്ററുകളിൽ .ചിത്രത്തിന്റെ റിലീസിന് മുന്നോടിയായി നാട്ടുകാരും സുഹൃത്തുക്കളും ചേർന്ന് ബിനുവിനുവേണ്ടി ചുമരെഴുത്ത് നടത്തി. ആദ്യമായാണ് ഇത്തരത്തിൽ ഒരു പ്രചാരണം.വിഷ്ണു ഉണ്ണിക്കൃഷ്ണൻ, ബിബിൻ ജോർജ്, ജോണി ആന്റണി, ജോളി ചിറയത്ത്, ടിനിടോം, ജാഫർ ഇടുക്കി, സുധി കോപ്പ, ബൈജു എഴുപുന്ന, കൃഷ്ണ പ്രഭ എന്നിവരാണ് മറ്റ് താരങ്ങൾ. ട്രൂത്ത്‌ ഗ്ലോബൽ ഫിലിംസിന്റെ ബാനറിൽ സമദ് ട്രൂത്ത് ആണ് നിർമ്മാണം.ഫൈസൽ അലി ഛായാഗ്രഹണം നിർവഹിക്കുന്നു. പി. ആർ. ഒ: വൈശാഖ് സി വടക്കേവീട്.