കാലത്തെ അതിജീവിച്ച പാനീയമാണ് ചായ, ലോകം കീഴടക്കിയ പാനീയം. ലോകത്ത് ഏറ്റവും അധികം പേർ കുടി​ക്കുന്ന പാനീയത്തിന്റെ കാര്യത്തിൽ വെള്ളം കഴിഞ്ഞാൽ രണ്ടാം സ്ഥാനമാണ് ചായയ്‌ക്ക്. ഉണർവും ഉന്മേഷവും നൽകുന്നതിനൊപ്പം ആരോഗ്യദായക ഗുണങ്ങളും ചായയുടെ വമ്പിച്ച ജനപ്രീതിക്ക് കാരണമാണ്. ഇപ്പോൾ ഗ്രീൻ ടീയാണ് ചായയി​ലെ താരം.

അമിതവണ്ണത്തിനെതിരെ പോരാടാൻ ഗ്രീൻ ടീ സഹായിക്കുമെന്നാണ് പാരമ്പര്യ ചൈനീസ് വൈദ്യചികിത്സകർ പറയുന്നത്. ഗ്രീൻ ടീയിൽ ധാരാളം 'പോളിഫിനോൾ' ആന്റി ഓക്സിഡന്റുകളുണ്ട്. കൂടാതെ കൊളസ്ട്രോളി​നെയും നി​യന്ത്രി​ക്കും. രോഗപ്രതി​രോധശക്തി​യെയും ഗ്രീൻ ടീ ഉപയോഗം കൂട്ടും. പ്രതി​രോധം കൂടുമ്പോൾ നമ്മുടെ ശരീരത്തിന് വിവിധ സൂക്ഷ്മാണുക്കളേയും അണുബാധകളെയും രോഗങ്ങളെയും എളുപ്പത്തിൽ ചെറുക്കാൻ കഴിയും. ഗ്രീൻ ടീയിൽ കഫീൻ കുറവായതി​നാൽ ആന്റി​ ഡിപ്രസന്റ് ഗുണങ്ങളുമുണ്ട്.