തിരൂരങ്ങാടി: തിരൂരങ്ങാടി നഗരസഭയിൽ നീർത്തടാധിഷ്ഠിത മാസ്റ്റർ പ്ലാൻ തയ്യാറാക്കാൻ കർമ്മപദ്ധതികളായി. സെപ്തംബർ 20,​22,​24 തീയതികളിൽ സോയിൽ ആന്റ് കൺസർവേഷൻ നേതൃത്വത്തിൽ തോടുകളുടെയും കുളങ്ങളുടെയും സർവേ നടത്തും. തോട് പാർശ്വഭിത്തി സംരക്ഷണം,​ വി.സി.ബികൾ, ചെക്ക് ഡാമുകൾ തുടങ്ങിയവ വിശദമായി പദ്ധതികൾ തയ്യാറാക്കി എസ്റ്റിമേറ്റ് സമർപ്പിക്കും. 22ന് നടക്കുന്ന സർവേ കെ.പി.എ. മജീദ് എം.എൽ.എ ഉദ്ഘാടനം ചെയ്യും. 20ന് കാലത്ത് 9.30ന് വെഞ്ചാലിയിൽ നിന്നും ആദ്യ ദിന സർവേ തുടങ്ങും.