മല്ലപ്പള്ളി : സപ്ലൈകോ സൂപ്പർ മാർക്കറ്റിനോടനുബന്ധിച്ച് ഓണം താലൂക്ക് ഫെയർ ആരംഭിച്ചു. മല്ലപ്പള്ളി പഞ്ചായത്ത് പ്രസിഡന്റ് ഗീതാ കുര്യാക്കോസ് അദ്ധ്യക്ഷത വഹിച്ചു.മാത്യു ടി.തോമസ്‌ എം.എൽ.എ ഉദ്ഘാടനം നിർവഹിച്ചു.ആദ്യ വില്പന സി.കെ ലതാകുമാരി നിർവഹിച്ചു. ബ്ലോക്ക് പഞ്ചായത്ത് അംഗം സിന്ധു സുഭാഷ്, വിദ്യാമോൾ എസ്, ബിനു വർഗീസ്, ബാബു പാലയ്ക്കൽ, എബി മേക്കരിങ്ങാട്ട്, ജോസഫ് ഇമ്മാനുവേൽ, രാജൻ എം ഈപ്പൻ, സഞ്ജയ് നാഥ് അസി.താലൂക്ക് സപ്ലൈ ഓഫീസർ എന്നിവർ പ്രസംഗിച്ചു.