പെരുനാട്: പുരോഗമന കലാസാഹിത്യ സംഘം പെരുനാട് ഏരിയ കൺവെൻഷൻ ചിറ്റാർ എം.എസ് പ്രസാദ് സ്മാരക വായനശാല ഹാളിൽ നടന്നു. ജില്ലാ സെക്രട്ടറി സുധീഷ് വെൺപാല ഉദ്ഘാടനം ചെയ്തു. പ്രേംജിത്ത് ലാൽ അദ്ധ്യക്ഷനായി. ഏരിയ സെക്രട്ടറി ടി.കെ.സജി പ്രവർത്തന റിപ്പോർട്ടും ജില്ലാ എക്‌സിക്യൂട്ടീവ് അംഗം ജോർജ്ജ് ഫിലിപ്പ് സംഘടനാ റിപ്പോർട്ടും അവതരിപ്പിച്ചു. 16 അംഗ കമ്മിറ്റിയെ തെരഞ്ഞെടുത്തു. ഭാരവാഹികളായി പ്രേംജിത്ത് ലാൽ (പ്രസിഡന്റ്), ടി.ജെ വർഗീസ്,സജിഷ് കട്ടച്ചിറ (വൈസ് പ്രസിഡന്റുമാർ), ടി.കെ.സജി (സെക്രട്ടറി), കെ.എ.ഷെരീഫ്, ബിന്ദു അനിൽകുമാർ (ജോയിന്റ് സെക്രട്ടറിമാർ), എന്നിവരെ തിരഞ്ഞെടുത്തു. കൺവെൻഷനിൽ സജി സീതത്തോട് കവിത ആലപിച്ചു. കെ.എ.ഷെരിഫ് സ്വാഗതവും ടി.ജെ.വർഗീസ് നന്ദിയും പറഞ്ഞു.