ചെങ്ങന്നൂർ: എസ്.എൻ.ഡി.പി യോഗം ചെങ്ങന്നൂർ യൂണിയനിലെ 6190ാം നമ്പർ ചെങ്ങന്നൂർ സൗത്ത് ശാഖാ ഗുരുമണ്ഡപത്തിൽ ശ്രീനാരായണ ഗുരുദേവന്റെ പഞ്ചലോഹ വിഗ്രഹപ്രതിഷ്ഠാ കർമ്മം 12 ന് നടക്കും. രഞ്ജു അനന്തഭദ്രത്ത് തന്തിയുടെ മുഖ്യകാർമ്മികത്വത്തിൽ രാവിലെ 6ന് പ്രതിഷ്ഠാ കർമ്മം നടക്കും. 11ന് യൂണിയൻ ചെയർമാൻ അനിൽ അമ്പാടി ഗുരുമണ്ഡപ സമർപ്പണം നടത്തും. യൂണിയൻ കൺവീനർ അനിൽ പി.ശ്രീരംഗം അദ്ധ്യക്ഷത വഹിക്കും. പഞ്ചലോഹ വിഗ്രഹം നൽകിയ കരിങ്ങാട്ടിൽ ആരാമം രാജശേഖരനെ ആദരിക്കും. യൂണിയൻ അഡ്.കമ്മിറ്റി അംഗം ബി.ജയപ്രകാശ് തൊട്ടാവാടി, യൂണിയൻ കമ്മിറ്റി അംഗം സജി കെ.പി. എന്നിവർ ആശംസാ പ്രസംഗം നടത്തും. ശാഖാ സെക്രട്ടറി ചന്ദ്രബോസ് പി.സി. സ്വാഗതവും വൈസ് പ്രസിഡന്റ് സുനിൽ സി. നന്ദിയും പറയും 10 ന് വൈകിട്ട് 5ന് വിഗ്രഹഘോഷയാത്രയും ഞായർ, തിങ്കൾ ദിവസങ്ങളിൽ പ്രതിഷ്ഠാപൂജകളും നടക്കും.