പന്തളം: കുരമ്പാല സൗത്ത് രാജ്ഭവനത്തിൽ രാജീവ് കുമാർ (43)നെ പൂഴിക്കാട് വെള്ളപാറവിളപടി കാട്ടുകണ്ടം വയലിൽ മരിച്ച നിലയിൽ കാണപ്പെട്ടു. ഇന്നലെ രാവിലെ പത്ത് മണിയോടെയാണ് മൃതദേഹം കണ്ടത്. വയലിന് സമീപമുള്ള റോഡിൽ ബൈക്കും കണ്ടെത്തി. ഇലക്ടോണിക്‌സ് പണിക്കാരനായ രാജീവ് പള്ളിക്കലിലുള്ള ഭാര്യ വീട്ടിൽ നിന്ന് അവിട്ടം നാളിൽ മടങ്ങിവന്നതാണ്. ഉച്ചയ്ക്ക് രണ്ടരയ്ക്ക്‌ശേഷമാണ് കാണാതായത്. പന്തളം എസ്.എച്ച്.ഒ.എസ്. ശ്രീകുമാറിന്റെ നേതൃത്വത്തിൽ ഇൻക്വസ്റ്റ് തയ്യാറാക്കി. വിരലടയാള വിദഗ്ദ്ധരും ഡോഗ് സ്‌ക്വാഡും പരിശോധന നടത്തി. മൃതദേഹം അടൂർ ഗവ: ആശുപത്രി മോർച്ചറിയിൽ. ഭാര്യ: മായ. മക്കൾ: ദേവൻ, രുദ്രൻ.