തിരു​വ​ല്ല: എസ്​.എൻ.ഡി.പി യോഗം 93-ാം തിരുവല്ല ടൗൺ ശാഖയുടെ ആഭിമുഖ്യത്തിൽ 168​-ാ മത് ഗുരുദേവ ജയന്തി ആഘോഷിച്ചു. രാവിലെ ഗുരുദേവ ക്ഷേത്രത്തിൽ ചതയപൂജയും അന്നദാനവും നടന്നു. ഉച്ചക്ക് 2.30ന് നടന്ന ഘോഷയാത്രാ സമ്മേളനം യൂണിയൻ സെക്രട്ടറി അനിൽ എസ്​.ഉഴത്തിൽ ഉദ്ഘാടനം ചെയ്തു. ആ​ക്ടിം​ഗ് പ്രസിഡന്റ്​ പി.എൻ മണിക്കുട്ടൻ അദ്ധ്യക്ഷത വഹിച്ചു. ശ്യാം ടി.ചാത്തമല സ്വാഗതം പറഞ്ഞു. മുഖ്യാതിഥിതി തിരുവല്ല സർക്കിൾ ഇൻസ്‌​പെക്ടർ പി.എ​സ്​.വിനോദ് കുമാർ പീതപതാക കൈമാറി അനുഗ്രഹ പ്രഭാഷണം നടത്തി. യൂണിയൻ വൈസ് പ്രസിഡന്റ്​ കെജി ബിജു ജയന്തി സന്ദേശംനൽകി. ഡയറക്ടർ ബോർഡ്​ മെമ്പർ സന്തോഷ്​ ഐക്കരപ്പറമ്പിൽ, പ്രസാദ് മുല്ലശേരിൽ, കെ.കെ രെവി, സുരേഷ് ഗോപി, രഘു കെ.സി., മംഗളാനന്ദൻ, സുനിൽ കുമാർ, വിജയമ്മ തങ്കപ്പൻ തുടങ്ങിയവർസംസാരിച്ചു. പി.ജി.സുരേഷ് നന്ദി പറഞ്ഞു. തുടർന്ന് വർണശബളമായ ഘോഷയാത്ര കാട്ടൂക്കര ആലിൻ ചുവട്ടിൽ നിന്ന് ആരംഭിച്ചു. കരകം, പഞ്ചവാദ്യം, പമ്പമേളം എന്നിവയുടെ അകമ്പടിയോടുകൂ​ടി തിരുവല്ല ടൗൺ ചുറ്റി തിരുമൂലപുരം ക്ഷേത്രത്തിൽ എത്തി.