കുവൈറ്റ്‌ സിറ്റി : മലങ്കര കത്തോലിക്കാ സഭയുടെ മൂവാറ്റുപുഴ ഭദ്രാസനാധിപൻ ഡോ.യൂഹാനോൻ മാർ തെയോഡോഷ്യസ് മെത്രാപ്പോലീത്തക്ക് സ്വീകരണവും, 92-ാം പുനരൈഖ്യ വാർഷികവും, ഓണാഘോഷവും അബാസിയ സെൻട്രൽ സ്കൂളിൽ നടത്തി. പൊതുസമ്മേളനം ഡോ.യൂഹാനോൻ മാർ തെയോഡോഷ്യസ് മെത്രാപ്പോലിത്ത ഉദ്ഘാടനം ചെയ്തു. കെ.എം.ആർ.എം. പ്രസിഡന്റ് ജോസഫ് കെ.ഡാനിയേൽ അദ്ധ്യക്ഷത വഹിച്ചു. ജനറൽ സെക്രട്ടറിമാത്യു കോശി സ്വാഗതവും, ആത്മീയ ഉപദേഷ്ടവ് റവ.ഫാ.ജോൺ തുണ്ടിയത്ത് ആമുഖ പ്രഭാഷണവും നടത്തി. മത്സരങ്ങളിൽ വിജയിച്ചവർക്കുള്ള സമ്മാനങ്ങളും ചടങ്ങിൽ വിതരണം ചെയ്തു. ട്രഷറർ ജിമ്മി എബ്രഹാം നന്ദിയും രേഖപെടുത്തി. ബിനു ഏബ്രഹാം, തോമസ് ജോൺ, ജോസ് വർഗീസ്, ജിബി ഏബ്രഹാം, നോബിൻ ഫിലിപ്പ്, ബിന്ദു മനോജ്‌, മേരി ലിറ്റി എന്നിവർ പരിപാടികൾക്ക് നേതൃത്വം നൽകി.