ചെങ്ങന്നൂർ: എസ്.എൻ.ഡി.പി.യൂണിയനിലെ 5416​ാം പറയരുകാലാ ശാഖയുടെ ആഭിമുഖ്യത്തിൽ കഴിഞ്ഞ നാല് ദിവസമായി നടന്നുവരുന്ന ഒന്നാമത് പറയരുകാലാ ശ്രീനാരായണ കൺവെൻഷൻ ഇന്ന് സമാപിക്കും. ഇന്ന് രാവിലെ 10ന് ഗുരുദർശനം കുടുംബബന്ധങ്ങളിലൂടെ എന്ന വിഷയത്തിൽ വൈക്കം മുരളി പ്രഭാഷണം നടത്തും. രാവിലെ 6ന് ഗുരുപൂജ, 7ന് ശാരദപൂജ, 8ന് വിശ്വശാന്തിഹവനം, 12.40ന് മഹാഗുരുപൂജ, ഉച്ചയ്ക്ക് 1ന് അന്നദാനം എന്നിവ നടക്കും. വൈകിട്ട് 6.30ന് ഗുരുക്ഷേത്രത്തിൽ ദീപാരാധനയും 6.45ന് കായംകുളം വിമലയും സംഘവും അവതരിപ്പിക്കുന്ന ഭക്തിഗാനസുധയും ഗുരുദേവകൃതികളുടെ സംഗീതാവിഷ്​കാരവും നടക്കും. ഇന്നലെ കൺവെൻഷനിൽ ഗുരുദേവകൃതികൾക്ക് ഒരാമുഖം എന്ന വിഷയത്തിൽ സൗമ്യഅനിരുദ്ധ്‌കോട്ടയം പ്രഭാഷണം നടത്തി.