പന്തളം: വീട്ടമ്മയെ ബലപ്രയോഗത്തിലൂടെ പീഡിപ്പിച്ച യുവാവിനെ പന്തളം പൊലീസ് അറസ്റ്റ്‌​ചെയ്തു. കടയ്ക്കാട് വടക്ക് കുമ്പഴ വീട്ടിൽ മണവാട്ടി എന്ന് വിളിക്കുന്ന ഷാജി(45)യാണ് അറസ്റ്റിലായത്. 10​ന് രാത്രി വീട്ടിൽ ആരും ഇല്ലാതിരുന്നപ്പോഴായിരുന്നു പീഡനം. ഭയം കാരണം ഇവർ വിവരം പുറത്തുപറഞ്ഞില്ല വീണ്ടും ഭീഷണിപ്പെടുത്തിയതോടെയാണ് പരാതി നൽകിയത്.
പന്തളം എസ്.എച്ച്.ഒ. എസ്.ശ്രീകുമാർ, എസ്.ഐ. ബി.ശ്രീജിത്ത്, സി.പി.ഒ.മാരായ അർജുൻ, രാജീവ് എന്നിവർ അടൂരിൽ നിന്നാണ് പ്രതിയെ കസ്റ്റഡിയിലെടുത്തത്.