പന്തളം: പാട്ടുപുരക്കാവ് സരസ്വതീക്ഷേത്ര നവരാത്രി മണ്ഡപത്തിൽ 57ാമതു നവരാത്രി ആഘോഷങ്ങൾ 26ന് തുടങ്ങും. ഒക്ടോബർ 5ന് സമാപിക്കും. 16ന് വൈകിട്ട് 5.15ന് അടൂർ ഡിവൈ.എസ്.പി ആർ.ബിനു ആഘോഷപ്പന്തലിന്റെ കാൽനാട്ടുകർമ്മം നടത്തും.
സ്വാഗതസംഘ രൂപീകരണയോഗം പന്തളം നഗരസഭാദ്ധ്യക്ഷ സുശീല സന്തോഷ് ഉദ്ഘാടനം ചെയ്യും. പന്തളം ശിവൻകുട്ടി അദ്ധ്യക്ഷത വഹിക്കും. നവരാത്രി ആഘോഷങ്ങൾക്കുള്ള ആദ്യ സംഭാവന ബിൽടെക് ജയകുമാറിൽ നിന്നും നവരാത്രി മണ്ഡപത്തിന്റെ പുനരുദ്ധാരണത്തിനുള്ള ആദ്യ സംഭാവന അഡ്വ. ജ്യോതികുമാറിൽ നിന്നും സ്വീകരിക്കും.