കോന്നി : ഗവർണറുടെ താഴെയല്ല നിയമസഭയെന്ന് സി.ഐ.ടി.യു സംസ്ഥാന വൈസ് പ്രസിഡന്റ് ടി.പി.രാമകൃഷ്ണൻ എം.എൽ.എ പറഞ്ഞു. സി.ഐ.ടി.യു പത്തനംതിട്ട ജില്ലാ സമ്മേളനത്തിന്റെ ഭാഗമായുള്ള പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ഭരണ പ്രതിപക്ഷം ചർച്ച ചെയ്ത് നിയമനിർമ്മാണം നടത്തി രൂപീകരിക്കുന്ന നയങ്ങൾക്ക് അംഗീകാരം നൽകുകയാണ് ഗവർണറുടെ ചുമതല. ഗവർണർ കമ്യൂണിസ്റ്റ് പ്രസ്ഥാനത്തിന്റെ ജനനം പരിശോധിക്കുന്നത് ഏത് ഭരണഘടനാപ്രകാരം ആണ്. മുഖ്യമന്ത്രിയെ അപകീർത്തിപ്പെടുത്തുന്ന നിലപാട് ഗവർണർ സ്വീകരിച്ചാൽ അത് ജനം അത് അംഗീകരിക്കില്ലെന്നും അദ്ദേഹം പറഞ്ഞു. ജില്ലാ പ്രസിഡന്റ് എസ്.ഹരിദാസ് അദ്ധ്യക്ഷത വഹിച്ചു. മന്ത്രി വീണാ ജോർജ്, സി.ഐ.ടി.യു സംസ്ഥാന വൈസ് പ്രസിഡന്റ് എസ്. ജയമോഹൻ, സി.പി.എം ജില്ലാ സെക്രട്ടറി കെ.പി.ഉദയഭാനു, സംസ്ഥാന കമ്മിറ്റി അംഗം രാജു എബ്രഹാം, സി.ഐ.ടി.യു സംസ്ഥാന വൈസ് പ്രസിഡന്റ് പി.ജെ.അജയകുമാർ, കെ.സി.രാജഗോപാലൻ, ജില്ലാ ട്രഷറർ അഡ്വ.ആർ.സനൽകുമാർ, അഡ്വ.കെ.യു.ജനീഷ് കുമാർ എം.എൽ.എ, ജില്ലാസെക്രട്ടറി പി.ബി.ഹർഷകുമാർ, സംസ്ഥാന കമ്മിറ്റി അംഗം മലയാലപ്പുഴ മോഹനൻ ,സതി വിജയൻ, ശ്യാംലാൽ എന്നിവർ സംസാരിച്ചു.

ജില്ലാ ഭാരവാഹികളായി എസ്.ഹരിദാസ് (പ്രസിഡന്റ്), പി.ബി.ഹർഷകുമാർ
(സെക്രട്ടറി), അഡ്വ.ആർ.സനൽകുമാർ (ട്രഷറർ) എന്നിവരെ തിരഞ്ഞെടുത്തു.