അടൂർ : അമ്മകണ്ടകര ഹരിഹരസുത വിലാസം എൻ.എസ്.എസ് കരയോഗം കുടുംബസംഗമവും ഓണാഘോഷവും എൻ.എസ്.എസ് ഡയറക്ടർ ബോർഡംഗം കലഞ്ഞൂർ മധു ഉദ്ഘാടനം ചെയ്തു. കരയോഗം പ്രസിഡന്റ് പ്രശാന്ത് പി കുമാർ അദ്ധ്യക്ഷത വഹിച്ചു. എൻഡോവ്മെന്റും സ്കോളർഷിപ്പും യൂണിയൻ വൈസ് പ്രസിഡൻറ് എൻ.രവീന്ദ്രൻ നായരും ചികിത്സാസഹായം യൂണിയൻ സെക്രട്ടറി വി.ആർ.രാധാകൃഷ്ണൻ നായരും വിതരണം ചെയ്തു. എം.അനിൽകുമാർ, ആർ.ശിവശങ്കരപ്പിള്ള , ആർ.കവിരാജ്, സുഭദ്ര കുഞ്ഞമ്മ ,ശ്രീദേവിയമ്മ സന്ധ്യാകുമാരി എന്നിവർ പ്രസംഗിച്ചു.