തിരുവല്ല: മതിൽഭാഗം ഗോവിന്ദൻ കുളങ്ങര ദേവീക്ഷേത്രത്തിലെ നവരാത്രി ഉത്സവത്തിന് നാളെ കൊടിയേറും. വൈകിട്ട് 6.30നും ഏഴിനും മദ്ധ്യേ മേൽശാന്തി ടി.ജി. ശങ്കരൻ നമ്പൂതിരിയുടെ മുഖ്യകാർമ്മികത്വം വഹിക്കും. ദേവീഭാഗവത നവാഹയജ്ഞത്തിന് ഭദ്രദീപം തെളിക്കും.സുരേഷ് എടത്വയാണ് യജ്ഞാചാര്യൻ. വൈകിട്ട് ഏഴിന് എൻ.എസ്.എസ്. യൂണിയൻ പ്രസിഡന്റ് ആർ.മോഹൻകുമാർ കലാപരിപാടി ഉദ്ഘാടനം ചെയ്യും.പ്രസിഡന്റ് ശ്രീകുമാർ കൊങ്ങരേട്ട് അദ്ധ്യക്ഷനാകും.7.30ന് സോപാനസംഗീതം, 8ന് നൃത്തനൃത്യങ്ങൾ, 8.30ന് അത്താഴകഞ്ഞി. തിങ്കളാഴ്ച 6.45ന് അനുമോദന സമ്മേളനം, 7ന് തിരുവാതിര, 7.45ന് സോപാനസംഗീതം, ചൊവ്വാഴ്ച 7ന് കലാമഞ്ജരി, ബുധനാഴ്ച 7ന് നാമസംഗീതാർച്ചന, വ്യാഴാഴ്ച വൈകിട്ട് 7ന് ശലഭോത്സവം നൃത്തനൃത്യങ്ങൾ, വെള്ളിയാഴ്ച വൈകിട്ട് 6.50ന് സർവൈശ്വര്യപൂജ, 7ന് തിരുവാതിര, ശനിയാഴ്ച 7ന് നൃത്തനൃത്യങ്ങൾ, ഞായറാഴ്ച വൈകിട്ട് 5.30ന് പൂജവയ്പ്പ്, 7ന് നൃത്തനൃത്യങ്ങൾ, 8.30ന് അത്താഴകഞ്ഞി. തിങ്കളാഴ്ച 7ന് നാദസ്വരലഹരി, ചൊവ്വാഴ്ച ഉച്ചയ്ക്ക് ഒന്നിന് ആർ.ഡി.ഒ.കെ.ചന്ദ്രശേഖരൻ നായർ സമൂഹസദ്യ ഉദ്ഘാടനം ചെയ്യും. വൈകിട്ട് 5.15ന് കൊടിയിറക്ക്, 5.30ന് അവഭൃഥസ്‌നാനം, 6.30ന് പുഷ്പാഭിഷേകം, 7ന് നാട്യാഞ്ജലി, ബുധനാഴ്ച രാവിലെ 8.30ന് പൂജയെടുപ്പ്, വിദ്യാരംഭം, ബ്രഹ്‌മീഘൃതം നെയ്യ് വിതരണം, 11.30ന് ചണ്ഡികാഹോമം, 12.45ന് കുമാരിപൂജ എന്നിവയാണ് പ്രധാന പരിപാടികൾ.