മല്ലപ്പള്ളി: സർക്കാർ തൊഴിലധിഷ്ഠിത ഹയർ സെക്കൻഡറി പുറമറ്റം സ്‌കൂളിൽ എൻ.എസ്.എസ് ദിനാചരണം സംഘടിപ്പിച്ചു. എൻ.എസ്.എസ് ദിനാചരണ സന്ദേശ യാത്രയോടെ തുടക്കം കുറിച്ച പരിപാടിയുടെ ഉദ്ഘാടനം സ്‌കൂൾ പ്രിൻസിപ്പൽ എൽ.ദീപ പതാക ഉയർത്തി നിർവഹിച്ചു. ഹണി പീറ്റർ എൻ.എസ്.എസ് ദിന സന്ദേശം കുട്ടികൾക്ക് നൽകി. എൻ.എസ്.എസ് പ്രോഗ്രാം ഓഫീസർ ഇ.എസ്.റജി, അധ്യാപകരായ വേണുഗോപാൽ, ശ്യാംകുമാർ, നിജു മാത്യു എന്നിവർ പങ്കെടുത്തു. ദിനാചരണത്തിന്റെ ഭാഗമായി ജീവിതശൈലീ രോഗനിർണയവും, രക്ത ഗ്രൂപ്പ് നിർണയ ഏകദിന ക്യാമ്പും സംഘടിപ്പിച്ചു.