മല്ലപ്പള്ളി : കേരള കർഷക സംഘം ജില്ലാ സമ്മേളനം ഇന്ന് തുടങ്ങും.സമ്മേളന നഗരിയിൽ ഉയർത്താനുള്ള കൊടിമര ജാഥകൾ ഇന്ന് വൈകിട്ട് 5ന് മല്ലപ്പള്ളിയിൽ സംഗമിക്കും. ആദ്യമായി മല്ലപ്പള്ളി നടക്കുന്ന കർഷകസംഘം ജില്ലാ സമ്മേളനത്തിൽ 250 പ്രതിനിധികളടക്കം 300 പേർ പങ്കെടുക്കും.മല്ലപ്പള്ളി സി.എം.എസ് ഹയർസെക്കൻഡറി സ്കൂൾ ഓഡിറ്റോറിയത്തിൽ (സി.കെ മോഹനൻ നായർ നഗർ) ശനിയാഴ്ച സി.പി.എം സംസ്ഥാന സെക്രട്ടേറിയറ്റംഗം എം.എം മണി എം.എൽ.എ സമ്മേളനം ഉദ്ഘാടനം ചെയ്യും. ആർ.തുളസീധരൻ പിള്ള പ്രവർത്തനറിപ്പോർട്ടും എം.പ്രകാശൻ സംഘടനാ റിപ്പോർട്ടും അവതരിപ്പിക്കും. ഞായറാഴ്ച സി.എം.എസ് ജംഗ്ഷനിൽ നിന്നും കാൽ ലക്ഷം പേർ അണിനിരക്കുന്ന കർഷക റാലി നടക്കും. തുടർന്ന് മല്ലപ്പള്ളി സ്വകാര്യ ബസ് സ്റ്റാൻഡിൽ (രാഘവൻ പിള്ള നഗർ )നടക്കുന്ന പൊതുസമ്മേളനം എൽ.ഡി.എഫ് കൺവീനർ ഇ.പി ജയരാജൻ ഉദ്ഘാടനം ചെയ്യും. മന്ത്രി വീണാ ജോർജ് , കെ.പി ഉദയഭാനു , രാജു ഏബ്രഹാം, കുഞ്ഞമ്പു എം.എൽ.എ,അഡ്വ .ഓമല്ലൂർ ശങ്കരൻ പത്മകുമാർ , ശ്രീരേഖ എന്നിവർ പങ്കെടുക്കും.