ചെങ്ങന്നൂർ: എസ്.എൻ.ഡി.പി യോഗം ചെങ്ങന്നൂർ യൂണിയനിലെ 3638-​ാം നമ്പർ തിങ്കളാമുറ്റം ശാഖയുടെ ആഭിമുഖ്യത്തിലുള്ള ഒന്നാമത് തിങ്കളാമുറ്റം ശ്രീനാരായണ കൺവെൻഷൻ ഇന്ന് തുടങ്ങും. മൂന്ന് ദിവസങ്ങളിലായി നടക്കുന്ന കൺവെൻഷന്റെ ഉദ്ഘാടനം രാവിലെ 10ന് സജി ചെറിയാൻ എം.എൽ.എ നിർവഹിക്കും. ചെങ്ങന്നൂർ ബ്ലോക്ക് പഞ്ചായത്ത് ആരോഗ്യകാര്യ സ്റ്റാൻഡിംഗ് കമ്മിറ്റി ചെയർമാനും യൂണിയൻ അഡ്.കമ്മിറ്റി അംഗവുമായ കെ.ആർ.മോഹനൻ അദ്ധ്യക്ഷത വഹിക്കും. പുലിയൂർ ഗ്രാമപഞ്ചായത്ത് പ്രസിഡന്റ് എം.ജി.ശ്രീകുമാർ, യൂണിയൻ അഡ്.കമ്മിറ്റി അംഗങ്ങളായ എസ്.ദേവരാജൻ, ജയപ്രകാശ് തൊട്ടാവാടി, സുരേഷ് വല്ലന, അനിൽ കണ്ണാടി, ആലാ ഗ്രാമപഞ്ചായത്ത് അംഗങ്ങളായ സജികുമാർ വി.എൻ., രതി സുഭാഷ് ശാഖാ വൈസ് പ്രസിഡന്റ് സേതുനാഥപ്പണിക്കർ, ശാഖാ വനിതാസംഘം പ്രസിഡന്റ് പൊന്നമ്മ രാമചന്ദ്രൻ, സെക്രട്ടറി സരസമ്മ ചെല്ലപ്പൻ, വൈസ് പ്രസിഡന്റ് സതി ഗോപിനാഥൻ, യൂത്ത്മൂവ്‌​മെന്റ് ശാഖാ പ്രസിഡന്റ് അനന്തകൃഷ്ണൻ, വൈസ് പ്രസിഡന്റ്, അർജ്ജുൻ ആർ., സെക്രട്ടറി മീനു മോഹൻ, ജോ.സെക്രട്ടറി വൃന്ദ സുഭാഷ്, ട്രഷറർ അക്ഷയ് പ്രസന്നൻ, യൂത്ത്മൂവ്‌​മെന്റ് ശാഖാ കമ്മിറ്റി അംഗം അനന്ദു പ്രദീപ് എന്നിവർ പ്രസംഗിക്കും. യൂണിയൻ കൺവീനർ അനിൽ പി.ശ്രീരംഗം സ്വാഗതവും ശാഖാ സെക്രട്ടറി ഗോപിനാഥൻ വി.ജി. നന്ദിയും പറയും. രാവിലെ 9 ന് ശാഖാ പ്രസിഡന്റ് പി.കെ.മോഹനൻ പതാക ഉയർത്തും. കൺവെൻഷൻ നടക്കുന്ന ഒാഡിറ്റോറിയത്തിൽ പ്രത്യേകം തയ്യാറാക്കിയിരിക്കുന്ന ശ്രീനാരായണ ഗുരുമണ്ഡപത്തിൽ അഷ്ടദ്രവ്യ മഹാഗണപതിഹോമം, ഗുരുപൂജ, ഗുരുപുഷ്പാഞ്ജലി, ദീപാരാധന, അന്നദാനം എന്നിവ നടക്കും. വൈകിട്ട് 6.45 ന് ഗുരുസാക്ഷാൽ പരബ്രഹ്​മം എന്ന വിഷയത്തിൽ വിജയലാൽ നെടുംകണ്ടം പ്രഭാഷണം നടത്തും. നാളെ വൈകിട്ട് 6.45 ന് ദൈവദശകത്തിന്റെ കാലിക പ്രസക്തി എന്ന വിഷയത്തിൽ ആശാ പ്രദീപ് പ്രഭാഷണം നടത്തും. രാവിലെ ഗുരുമണ്ഡപത്തിൽ ഗുരുപൂജ, ശാരദപൂജ, മഹാമൃത്യുഞ്ജയഹോമം അന്നദാനം എന്നിവ നടക്കും. സമാപനദിവസമായ ഒക്‌​ടോബർ 2ന് രാവിലെ 10 ന് ഗുരുദേവന്റെ ക്ഷേത്രസങ്കൽപ്പം എന്ന വിഷയത്തിൽ ബിജു പുളിക്കലേടത്തും വൈകിട്ട് 6.30 ന് ഗുരുദർശനം നിത്യജീവിതത്തിൽ എന്ന വിഷയത്തിൽ വൈക്കം മുരളിയും പ്രഭാഷണം നടത്തും. ഗുരുമണ്ഡപത്തിൽ ഗുരുപൂജ, ഗുരുപുഷ്പാഞ്ജലി, വിശ്വശാന്തിഹവനം, ദീപാരാധന, വിശേഷാൽ പൂജകൾ എന്നിവ നടക്കും. വൈദികയോഗം ചെങ്ങന്നൂർ യൂണിയന്റെ മുഖ്യകാർമ്മികത്വത്തിലാണ് വിശേഷാൽ പൂജകൾ നടക്കുന്നത്.