കൊല്ലം: ആർ.എസ്.എസ് സർസംഘചാലക് ഡോ.മോഹൻ ഭാഗവത് മാതാ അമൃതാനന്ദമയിയെ സന്ദർശിച്ചു.ഇന്നലെ വൈകിട്ടോടെ കൊല്ലം അമൃതപുരിയിലെ മാതാ അമൃതാനന്ദമയി മഠത്തിലെത്തിയ അദ്ദേഹത്തെ മുതിർന്ന സ്വാമിമാരുടെ നേതൃത്വത്തിൽ സ്വീകരിക്കുകയായിരുന്നു.തുടർന്ന് അമ്മയെ ദർശിച്ച് അനുഗ്രഹം വാങ്ങിയ ഡോ.മോഹൻ ഭാഗവത് രണ്ട് മണിക്കൂറോളം കൂടിക്കാഴ്ച നടത്തി.

ആർ.എസ്.എസ് ദക്ഷിണ ക്ഷേത്രീയ പ്രചാരക് എ.സെന്തിൽകുമാർ,പ്രാന്ത കാര്യവാഹക് പി.എൻ.ഈശ്വരൻ,ക്ഷേത്രീയ സേവാപ്രമുഖ് കെ.പത്മകുമാർ,പ്രാന്തപ്രചാരക് എസ്.സുദർശൻ,ക്ഷേത്രീയ വിശേഷ സമ്പർക്ക പ്രമുഖ് എ. ജയകുമാർ എന്നിവരും ഭാഗവതിനൊപ്പമുണ്ടായിരുന്നു.നാല് ദിവസത്തെ സന്ദർശനത്തിനായിട്ടാണ് സർസംഘചാലക് ഇന്നലെ കേരളത്തിലെത്തിയത്.