ആയൂർ: ആയൂരിൽ കടയ്ക്ക് തീ പിടിച്ചു. ആളപായമില്ല. ആയൂർ അഞ്ചൽ റോഡിൽ പ്രവർത്തിക്കുന്ന മിൽമ സൂപ്പർ ഷോപ്പിയ്ക്കാണ് ഇന്നലെ വൈകിട്ട് 7 മണിയോടെ തീ പിടിച്ചത്. ഓടിയെത്തിയ ഓട്ടോ തൊഴിലാളികൾ തീ നിയന്ത്രണ വിധേയമാക്കിയതിനാൽ സമീപത്തെ കടകളിലേക്ക് തീ പടർന്നില്ല.സിലിണ്ടറിൽ നിന്ന് തീ പടർന്നു പിടിച്ചതായാണ് പ്രാഥമിക നിഗമനം. കടയ്ക്കലിൽ നിന്ന് അഗ്നിശമന സേനയുടെ രണ്ട് യൂണിറ്റ് എത്തി തീ പൂർണമായും അണച്ചു. കട ഭാഗികമായി കത്തിയിട്ടുണ്ട്. ഓട്ടോ തൊഴിലാളികൾ കൃത്യ സമയത്ത് എത്തിയതിനാൽ വലിയ അത്യാഹിതം ഒഴിവായി.