കൊല്ലം: ശ്രീനാരായണ ഗുരുദേവനാൽ സ്ഥാപിതമായ തൃക്കരുവ കാവിള എസ്.എൻ.വി സംസ്കൃത ഹൈസ്കൂളിൽ കോയിപ്പുറം 708 എ ശാഖയുടെ ആഭിമുഖ്യത്തിൽ ഗുരുദേവന്റെ സമാധി ദിനാചരണം നടത്തി. രാവിലെ മുതൽ വനിത സംഘത്തിന്റെ ആഭിമുഖ്യത്തിൽ ഗുരുദേവ പ്രാർത്ഥനയും, പായസ വിതരണവും നടന്നു. കുണ്ടറ യൂണിയൻ മുൻ ആക്ടിംഗ് സെക്രട്ടറിയും എസ്.എൻ ട്രസ്റ്റ് ഡയറക്ടർ ബോർഡ് അംഗവുമായ കാവിള എം.അനിൽകുമാർ, ശാഖാ സെക്രട്ടറി ബി.രഘുവരൻ. എക്സി. അംഗങ്ങളായ ബാലചന്ദ്രൻ, രഘുനാഥൻ, ചന്ദ്രൻ, രാമചന്ദ്രൻ, മല്ലാക്ഷി, ശൈലജ എന്നിവർ നേതൃത്വം നൽകി. ചടങ്ങിൽ യൂത്ത് മൂവ്മെന്റ്, വനിതാസംഘം ഭാരവാഹികൾ പങ്കെടുത്തു.