കൊല്ലം: ലോകമെമ്പാടുമുള്ള സഞ്ചാരികളെ കേരളത്തിലേക്ക് ആകർഷിക്കാൻ ഫുഡ് ടൂറിസം പ്രചരിപ്പിക്കണമെന്ന് മന്ത്രി പി.എ.മുഹമ്മദ് റിയാസ്. ഓൾ കേരള കാറ്ററേഴ്സ് അസോസിയേഷൻ സംസ്ഥാന സമ്മേളനത്തോടനുബന്ധിച്ച് സംഘടിപ്പിച്ച സെമിനാർ ഉദ്ഘാടനം ചെയ്യുകയായിരുന്നു മന്ത്രി. ഇതിന്റെ ഭാഗമായി കേരളത്തിലെ പ്രധാന നഗരങ്ങളിൽ ഫുഡ് സ്ട്രീറ്റ് പദ്ധതി നടപ്പാക്കാൻ ടൂറിസം വകുപ്പ് ആലോചനയിലാണ്. വൈവിദ്ധ്യമാർന്ന ആശയങ്ങളുമായി കാറ്ററിംഗ് മേഖല മുന്നോട്ടുവന്നാൽ ഒപ്പം നിൽക്കാൻ ടൂറിസം വകുപ്പ് മുന്നിട്ടിറങ്ങുമെന്നും അദ്ദേഹം പറഞ്ഞു.
ഷെഫ് സുരേഷ് പിള്ള, രാജധാനി ഇൻസ്റ്റിറ്റ്യൂട്ട് ഒഫ് ഹോട്ടൽ മാനേജ്മെന്റ് പ്രിൻസിപ്പൽ ഡോ.മഹേഷ് കൃഷ്ണ, കേരള ഹോട്ടൽ ആൻഡ് റസ്റ്ററന്റ് അസോസിയേഷൻ സംസ്ഥാന പ്രസിഡന്റ് ജയപാൽ, ഐ.ബി.എഫ് സെക്രട്ടറി കെ.ആർ.ബാലൻ, ഫുഡ്സേഫ്റ്റി കൺസൾട്ടന്റ് അബ്ദുൽ ജലീൽ, രക്ഷാധികാരി ബാദുഷ കടലുണ്ടി, സംസ്ഥാന ജനറൽ സെക്രട്ടറി വി.സുനുകുമാർ, സംസ്ഥാന ട്രഷറർ ടി.കെ.രാധാകൃഷ്ണൻ, വൈസ് പ്രസിഡന്റ് തോമസ് മാത്യു എന്നിവർ സംസാരിച്ചു. അസോസിയേഷൻ സംസ്ഥാന പ്രസിഡന്റ് പ്രിൻസ് ജോർജ് അദ്ധ്യക്ഷത വഹിച്ചു.