ശാസ്താംകോട്ട: മൈനാഗപ്പള്ളയിലെ അഭിഭക്ത കമ്മ്യൂണിസ്റ്റ്‌ പാർട്ടി നേതാവായിരുന്ന തെക്കൻ മൈനാഗപ്പള്ളി പാലവിളയിൽ കെ. ശ്രീധരൻ (86) നര്യാതനായി. സംസ്കാരം ഇന്ന് വൈകിട്ട് 4ന് വീട്ടുവളപ്പിൽ.

സി.പി.എം കരുനാഗപ്പള്ളി, കുന്നത്തൂർ താലൂക്കളിലെ, താലൂക്ക് കമ്മിറ്റി അംഗമായും, ദീർഘനാൾ സി.പി.എമ്മിന്റെ മൈനാഗപ്പള്ളി ലോക്കൽ കമ്മിറ്റി സെക്രട്ടറിയായും പ്രവർത്തിച്ചു. കരുനാഗപ്പള്ളി കുന്നത്തൂർ താലൂക്കുകളിൽ സി.ഐ.ടി.യു താലൂക്ക് സെക്രട്ടറിയായി പ്രവർത്തിച്ചു. ഓട് വ്യവസായ തൊഴിലാളി യൂണിയൻ (സി.ഐ.ടി.യു) രൂപീകരിക്കുന്നതിൽ സി.പി.കരുണാകരപ്പിള്ളയോടൊപ്പം നേതൃത്വപരമായ പങ്കുവഹിച്ചു. കുന്നത്തൂർ താലൂക്കിൽ കശുഅണ്ടി തൊഴിലാളി യൂണിയൻ സി.ഐ.ടി.യുവിന്റെ നേതാവായിരുന്നു. തേവലക്കര ബോയ്സ്, ആൻഡ് ഗേൾസ് ഹൈസ്കൂളിന്റെ ഭരണ സമിതി അംഗമായിരുന്നു.

ഭാര്യ: സരസമ്മ. മക്കൾ: പി.എസ്.സാനു (കേരളാ ബാങ്ക്), പി.എസ്.സൈമ (കെ.എസ്.എഫ്.ഇ അസി. മാനേജർ), പി.എസ്.ഷൈല (ബി.എച്ച്.എസ് തേവലക്കര), പി.എസ്.സുനിൽ (ഗവ. പ്ലീഡർ, കരുനാഗപ്പള്ളി, എൽ.സി മെമ്പർ, മൈനാഗപ്പള്ളി), പി.എസ്.സുജി (ഗവ. സെക്രട്ടേറിയറ്റ്). മരുമക്കൾ: ആർ.പി. സുഷമ (ഇടക്കിടം യു.പി.എസ്), ബി.എൽ. അനിൽകുമാർ, ആർ.പ്രസന്നകുമാർ (സി.പി.എം മുഖത്തല എ.സി മെമ്പർ), ഡി. അമ്പിളി, ആർ.ബീന (ഗവ. എൽ.വി എച്ച്.എസ്, കടപ്പ).