വാളൂർ എരായാംകുടി എസ്.എൻ.ഡി.പി ശാഖയുടെ ഗുരുദേവ വിഗ്രഹ പ്രതിഷ്ഠാ വാർഷികം യൂണിയൻ സെക്രട്ടറി കെ.എ. ഉണ്ണിക്കൃഷ്ണൻ ഉദ്ഘാടനം ചെയ്യുന്നു.

കൊരട്ടി: വാളൂർ എരയാംകുടി എസ്.എൻ.ഡി.പി ശാഖയിലെ ഗുരുദേവ വിഗ്രഹ പ്രതിഷ്ഠാ വാർഷികം ആഘോഷിച്ചു. കണ്ണൻ ശാന്തിയുടെ കാർമ്മികത്വത്തിലായിരുന്നു ചടങ്ങുകൾ. പൊതുയോഗം യൂണിയൻ സെക്രട്ടറി കെ.എ. ഉണ്ണിക്കൃഷ്ണൻ ഉദ്ഘാടനം ചെയ്തു. പ്രസിഡന്റ് കെ.പി. അജീഷ് അദ്ധ്യക്ഷനായി. സൂര്യ കൊടുങ്ങല്ലൂർ മുഖ്യപ്രഭാഷണം നടത്തി. യൂണിയൻ വൈസ് പ്രസിഡന്റ് ചന്ദ്രൻ കൊളത്താപ്പിള്ളി, ശാഖാ സെക്രട്ടറി എൻ.കെ. ഉണ്ണിക്കൃഷ്ണൻ, വൈസ് പ്രസിഡന്റ് പി.എ. അജീഷ്, പുഷ്‌ക്കര വിശ്വംഭരൻ, സത്യാ രാമകൃഷ്ണൻ, പി.എസ്. ബാബു എന്നിവർ പ്രസംഗിച്ചു.