വിവിധ സന്നദ്ധ സംഘടനകളുടെ നേതൃത്വത്തിൽ നാട്ടിക ബീച്ചിൽ ശുചീകരണം നടത്തുന്നു.

പങ്കെടുത്തത് 350 പേർ

തൃപ്രയാർ: ഐക്യരാഷ്ട്ര സഭയുടെ പരിസ്ഥിതി വിഭാഗത്തിന്റെ നിർദ്ദേശപ്രകാരം ശുചിത്വ തീരം സുരക്ഷിത സമുദ്രം എന്ന മുദ്രാവാക്യമുയർത്തി വിവിധ സന്നദ്ധ സംഘടനകളുടെ നേതൃത്വത്തിൽ സമുദ്രതീര ശുചീകരണം നടത്തി. നാട്ടിക ബീച്ചിലായിരുന്നു ശുചീകരണം. ജി.എഫ്.എച്ച്.എസ്.എസ് നാട്ടിക, എസ്.എൻ ട്രസ്റ്റ് എച്ച്.എസ്.എസ് നാട്ടിക, ശ്രീരാമ ഗവ. പോളിടെക്‌നിക്ക് എന്നിവിടങ്ങളിലെ എൻ.എസ്.എസ് യൂണിറ്റുകൾ, ശ്രീരാമ പോളിടെക്‌നിക്ക് എൻ.സി.സി വിദ്യാർത്ഥികളും, ഹരിത കർമ്മസേന, ഭാരതീയ മത്സ്യപ്രവർത്തകസംഘം, സേവാഭാരതി, കരയാമുട്ടം വിവേകാനന്ദ സേവാ കേന്ദ്രം, ഗ്രീൻ ക്യാമ്പ് നാച്ച്യുറൽ ക്ലബ്, പള്ളം ബ്രദേഴ്‌സ് ആട്‌സ് ആൻഡ് സ്‌പോർട്‌സ് ക്ലബ്, പവിഴം കലാ കായിക വേദി, ഭാരതീയ ജനതാ പാർട്ടി തുടങ്ങിയ സംഘടനകളിൽ നിന്നുള്ള പ്രവർത്തകരും ശുചീകരണ യജ്ഞത്തിൽ പങ്കെടുത്തു.

വുഷു ദേശീയ താരം അനിയൻ മിധുൻ ഉദ്ഘാടനം ചെയ്തു. സംസ്ഥാന ഓർഗനൈസിംഗ് കമ്മിറ്റി വൈസ് ചെയർമാൻ ജോഷി ബ്ലാങ്ങാട്ട് സന്ദേശം നൽകി. ഗവ. ഫിഷറീസ് സ്‌കൂൾ പ്രിൻസിപ്പൽ എ. അഭിത പ്രതിജ്ഞ ചൊല്ലിക്കൊടുത്തു. സി.ആർ. രാജേഷ്, എൻ.എസ്. പ്രജീഷ്, എൻ.കെ. വിജയകുമാർ എന്നിവർ സംസാരിച്ചു. 567 കിലോ പ്ലാസ്റ്റിക് മാലിന്യങ്ങൾ ഗ്രീൻവേർമ്‌സ് എക്കോ സൊല്യൂഷൻ സംസ്‌കരണ യൂണിറ്റിന് കൈമാറി. 1500 കിലോ ജൈവ മാലിന്യങ്ങളും തീരത്ത് നിന്ന് ശേഖരിച്ചു സംസ്‌കരിച്ചു. സുരേഷ് ഇയ്യാനി, പി.വി. സെന്തിൽകുമാർ, ഗ്രീഷ്മ സുഖിലേഷ്, രശ്മി ഷിജോ, സത്യഭാമ, നിമ്മി ടീച്ചർ, ഇ.എസ്. പ്രശാന്ത് മാസ്റ്റർ, ഉണ്ണിക്കൃഷ്ണൻ, പി. ഹരിദാസ്, നൗഫൽ തുടങ്ങിയവർ നേതൃത്വം നൽകി.