അവിട്ടത്തൂർ: അദ്ധ്യാപനം ഒരു മഹത്തായ കർമ്മമാണെന്നും കുട്ടികളുടെ ആത്മവിശ്വാസം കെടുത്താതെ അവരെ ഭാവി തലമുറയുടെ വാഗ്ദാനങ്ങളായി ഉയർത്തിക്കൊണ്ടുവരേണ്ടത് അദ്ധ്യാപകരാണെന്നും മന്ത്രി ഡോ. ആർ. ബിന്ദു അഭിപ്രായപ്പെട്ടു. ലാൽ ബഹാദൂർ ശാസ്ത്രി മെമ്മോറിയൽ ഹയർ സെക്കൻഡറി സ്‌കൂളിലെ പ്ലാറ്റിനം ജൂബിലി ബ്ലോക്ക് ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. വേളൂക്കര പഞ്ചായത്ത് പ്രസിഡന്റ് കെ.എസ്. ധനീഷ് അദ്ധ്യക്ഷനായി. വെള്ളാങ്ങല്ലൂർ ബ്ലോക്ക് പഞ്ചായത്ത് പ്രസിഡന്റ് വിജയലക്ഷ്മി വിനയചന്ദ്രൻ, ജില്ലാ വിദ്യാഭ്യാസ ഉപ ഡയറക്ടർ ടി.വി. മദനമോഹനൻ, ഡി.ഇ.ഒ ഇൻ ചാർജ് ജസ്റ്റിൻ തോമസ്, സ്‌കൂൾ മാനേജർ എ.സി. സുരേഷ്, പ്രിൻസിപ്പൽ ഡോ. എ.വി. രാജേഷ്, ഹെഡ്മാസ്റ്റർ മെജോ പോൾ, പഞ്ചായത്ത് മെമ്പർമാരായ ജെൻസി ബിജു, ലീന ഉണ്ണിക്കൃഷ്ണൻ, ബിബി തുടിയത്ത്, ശ്യാം രാജ്, പി.ടി.എ പ്രസിഡന്റ് വി. ബിന്ദു, കെ.കെ. കൃഷ്ണൻ നമ്പൂതിരി, എ. സജു ചന്ദ്രൻ എന്നിവർ പ്രസംഗിച്ചു.