തിരുവനന്തപുരം: പട്ടികജാതി പട്ടികഗോത്രവർഗ കമ്മിഷൻ തിരുവനന്തപുരം ജില്ലയിൽ നടത്തിയ ത്രിദിന പരാതിപരിഹാര അദാലത്ത് സമാപിച്ചു. ആകെ പരിഗണിച്ച 321 പരാതികളിൽ 206 എണ്ണം തീർപ്പാക്കി. 3 കേസുകളിൽ കമ്മിഷൻ സ്ഥലം സന്ദർശിച്ച ശേഷം തീരുമാനമെടുക്കുമെന്ന് അറിയിച്ചു. പുതുതായി 5 പരാതികൾ ലഭിച്ചു. ചെയർമാൻ വി. എസ്. മാവോജി, മെമ്പർമാരായ മുൻ എം .പി എസ്. അജയകുമാർ, അഡ്വ. സൗമ്യ സോമൻ എന്നിവർ കേസുകൾ പരിഗണിച്ചു. ജില്ലാ കളക്ടർ ജെറോമിക് ജോർജ്, വിവിധ വകുപ്പുകളിലെ ഉദ്യോഗസ്ഥർ എന്നിവർ പങ്കെടുത്തു.