നെടുമങ്ങാട്: ഓണാഘോഷത്തിന്റെ ഭാഗമായി നെടുമങ്ങാട് നഗരസഭ ടൗൺ ഹാളിന് സമീപത്ത് ആരംഭിച്ച പുസ്തകമേളയിൽ സാംസ്കാരിക പരിപാടികളും പുസ്തക പ്രകാശനവും ഇന്ന് രാവിലെ 9ന് മന്ത്രി ജി.ആർ. അനിൽ ഉദ്ഘാടനം ചെയ്യും. പാർവതി ബാവൂലിന്റെ ജീവിതത്തെ ആസ്പദമാക്കി ശശികുമാർ അപ്പുക്കുട്ടൻ എഴുതിയ "ബാവൂൽ പ്രയാണം" എന്ന പുസ്തകമാണ് പ്രകാശനം ചെയ്യുന്നത്.
വിവിധ മേഖലകളിൽ നിന്ന് തിരഞ്ഞെടുക്കപ്പെട്ട പ്രതിഭകളെ ആദരിക്കും. പ്രൊഫ. ഉത്തരംകോട് ശശി, വെള്ളനാട് രാമചന്ദ്രൻ,വട്ടപ്പറമ്പിൽ പീതാംബരൻ,ഇരിഞ്ചയം രവി,പൂവത്തൂർ ഭാർഗവൻ തുടങ്ങിയവർ സാഹിത്യ പരിപാടികൾക്ക് നേതൃത്വം നൽകും.