കിളിമാനൂർ: വൻതുക ചെലവാകുന്ന അവയവമാറ്റ ശസ്ത്രക്രിയകൾക്കുള്ള സൗകര്യം സർക്കാർ മെഡിക്കൽ കോളേജ് ആശുപത്രികളിലും ഏർപ്പെടുത്തിയതായി മന്ത്രി വീണാജോർജ്. ജീവിതശൈലീരോ​ഗങ്ങൾ കണ്ടെത്തുന്നതിനും ചെറുക്കുന്നതിനും സംസ്ഥാന വ്യാപകമായി ജീവിതശൈലീരോ​ഗനിർണയം നടത്തിവരികയാണെന്നും മന്ത്രി പറഞ്ഞു. അടയമൺ കുടുംബാരോ​ഗ്യകേന്ദ്രത്തിന് എം.എൽ.എ ആസ്തിവികസന ഫണ്ടിൽ നിന്ന് 60 ലക്ഷം രൂപ വിനിയോ​ഗിച്ച് നിർമ്മിച്ച ഒ.പി ബ്ലോക്ക് ഉദ്ഘാടനം ചെയ്യുകയായിരുന്നു മന്ത്രി.

ഒ.എസ്.അംബിക എം.എൽ.എ അദ്ധ്യക്ഷയായി. കൊവിഡ് പ്രതിരോധ പ്രവർത്തനങ്ങളിൽ മികച്ച പ്രവർത്തനം നടത്തിയ ആരോഗ്യ പ്രവർത്തകരെ ആദരിച്ചു. പഴയകുന്നുമ്മേൽ പഞ്ചായത്ത് പ്രസിഡന്റ് കെ. രാജേന്ദ്രൻ സ്വാ​ഗതം പറഞ്ഞു. ബ്‌ളോക്ക് പഞ്ചായത്ത് പ്രസിഡന്റ് ബി.പി മുരളി, ജില്ലാ പഞ്ചായത്ത് അംഗം ജി.ജി.ഗിരി കൃഷ്ണൻ, വൈസ് പ്രസിഡന്റ് എസ് .വി.ഷീബ, സ്റ്റാൻഡിം​ഗ് കമ്മിറ്റി ചെയർമാൻ എസ്. സിബി, ചെയർപേഴ്സൺ എസ്. ദീപ,ജനപ്രതിനിധികളായ എ .ഷീല,കെ .സുമ, ബി. ​ഗിരിജകുമാരി,പി .ഹരീഷ്, എസ്. അനിൽകുമാർ, ഷീജസുബൈർ,എസ്. ശ്രീലത, എൻ. സലിൽ,എസ് .ശ്യാംനാഥ്, രതിപ്രസാദ്, എൻ.എസ്. അജ്മൽ, ജില്ലാ മെഡിക്കൽ ഓഫീസർ ഡോ. ബിന്ദുമോഹൻ, ഡോ. ആശാവിജയൻ, എ .ആർ ഷമീം, രാഷ്ട്രീയകക്ഷി പ്രതിനിധികളായ എസ്. രഘുനാഥൻനായർ, വല്ലൂർ രാജീവ്, കിളിമാനൂർ പ്രസന്നൻ,ബി. ഹീരലാൽ മെഡിക്കൽ ഓഫീസർമാരായ ഡോ.ഷീജ, ഡോ. ചിന്താസുകുമാരൻ, എ. റഹിയാനത്ത് എന്നിവർ സംസാരിച്ചു.