ബാലരാമപുരം: വെള്ളാപ്പള്ളി മൈത്രി റസിഡൻസ് അസോസിയേഷൻ ഓണാഘോഷവും ഓണക്കിറ്റ് വിതരണവും അടൂർ പ്രകാശ് എം.പി ഉദ്ഘാടനം ചെയ്തു.പ്രസിഡന്റ് സെൽവമണി അദ്ധ്യക്ഷത വഹിച്ചു. നിയമവകുപ്പ് അഡീഷണൽ സെക്രട്ടറി എസ്.ബിജു ശങ്കർ മുഖ്യപ്രഭാഷണം നടത്തി.സെക്രട്ടറി ആർ.എം.നായർ റിപ്പോർട്ട് അവതരിപ്പിച്ചു.എസ്.എസ്.എൽ.സി ,പ്ലസ് ടു പരീക്ഷകളിൽ അസോസിയേഷന്റെ കീഴിൽ ഉന്നതവിജയം നേടിയ വിദ്യാർത്ഥികളെ മൊമന്റോ നൽകി ആദരിച്ചു. വാർഡ് മെമ്പർ മാലിനി,ഫ്രാബ്സ് പ്രസിഡന്റ് പൂങ്കോട് സുനിൽ,വി.എസ്.ധർമ്മൻ,ദീപാജോയി എന്നിവർ സംസാരിച്ചു.ട്രഷറർ നരുവാമൂട് ജോയി സ്വാഗതം പറഞ്ഞു. കുട്ടികളുടെ വിവിധ കലാപരിപാടികളും നടന്നു.