നെയ്യാറ്റിൻകര: അദ്ധ്യാപക ദിനത്തോടനുബന്ധിച്ച് കെ.പി.എസ്.ടി.എ സംസ്ഥാന വ്യാപകമായി ഗുരുവന്ദനം നടത്തി. നെയ്യാറ്റിൻകര വിദ്യാഭ്യാസ ജില്ലാ കമ്മിറ്റിയുടെ നേതൃത്വത്തിൽ പി.എസ്.ടി.എ മുൻ സംസ്ഥാന വൈസ് പ്രസിഡന്റ് എം.സി. സെൽവരാജിനെ പൊന്നാട അണിയിച്ച് ജില്ലാ പ്രസിഡന്റ് നെയ്യാറ്റിൻകര പ്രിൻസ് ഗുരുവന്ദനം നടത്തി.വിദ്യാഭ്യാസ ജില്ലാ പ്രസിഡന്റ് അസ്‌വിൻ രാജ് ആർ.എച്ച് അദ്ധ്യക്ഷത വഹിച്ചു. സംസ്ഥാന എക്സി.കമ്മിറ്റി അംഗം സി.ആർ. ആത്മകുമാർ, സംസ്ഥാന കൗൺസിലർ എസ്.മഞ്ജു, വിദ്യാഭ്യാസ ജില്ല സെക്രട്ടറി ഫ്രെഡി ബായ് സി, ഡി.സി.സി സെക്രട്ടറി ആർ.ഒ അരുൺ,കോൺഗ്രസ് ബ്ലോക്ക് വൈസ് പ്രസിഡന്റ് എ. സലിം,ബ്ലോക്ക് സെക്രട്ടറി എം.എ. ഹക്കീം, ഐ.എൻ.ടി.യു.സി ജില്ലാ ട്രഷറർ വഴിമുക്ക് സയ്യിദലി തുടങ്ങിയവർ പങ്കെടുത്തു.