ആര്യനാട്: എസ്.എൻ.ഡി.പി യോഗം ആര്യനാട് വെള്ളാപ്പള്ളി നടേശൻ ധന്യസാരഥ്യ രജതജൂബിലി യൂണിയനിൽ ഗുരുദേവ ജയന്തി ആഘോഷങ്ങൾക്ക് തുടക്കമായി. യൂണിയന് കീഴിലെ 30 ശാഖകളിലും വിപുലമായ പരിപാടികളാണ് നടക്കുന്നത്. ഗുരുമന്ദിരങ്ങിൽ പ്രത്യേക പൂജകൾ,​വിവിധ കലാ-കായിക മത്സരങ്ങൾ,​ഗുരുപൂജകൾ,​ഗുരുദേവ കീർത്തനാലാപനം,​ആദരിക്കൽ,​ഘോഷയാത്രകൾ,​ചതയദിന സദ്യകൾ,​തുടങ്ങി വൈവിദ്ധ്യമാർന്ന പരിപാടികളാണ് ഇക്കുറി ശാഖകളിൽ നടക്കുന്നത്.

കോട്ടയ്ക്കകം,​പരുത്തിപ്പള്ളി,​കൊറ്റംപള്ളി,​പറണ്ടോട് ശാഖകളിൽ അഞ്ച് ദിവസം നീണ്ടുനിൽക്കുന്ന പരിപാടികളാണ് സംഘടിപ്പിച്ചിട്ടുള്ളത്.ഗുരുദേവ വിഗ്രഹത്തോട് കൂടിയുള്ള ഘോഷയാത്രകൾ ഗ്രാമീണ മേഖലയെ ഭക്തിനിർഭരമാക്കും. വിവിധ ശാഖകളിൽ നടക്കുന്ന സാംസ്ക്കാരിുക പരിപാടികളിൽ അരുവിപ്പുറം മഠാധിപതി സ്വാമി സാന്ദ്രാനന്ദ,​പൗര പ്രമുഖർ, ​മത പണ്ഡിതന്മാർ,​ ആര്യനാട് യൂണിയൻ ഭാരവാഹികൾ,​യൂണിയൻ വനിതാസംഘം - യൂത്ത്മൂവിമെന്റ് ഭാരവാഹികൾ,​ എസ്.എൻ ട്രസ്റ്റംഗങ്ങൾ, ​ശാഖാ ഭാരവാഹികൾ തുടങ്ങിയവർ നേതൃത്വം നൽകുമെന്ന് യൂണിയൻ പ്രസിഡന്റ് വീരണകാവ് സുരേന്ദ്രനും സെക്രട്ടറി പരുത്തിപ്പള്ളി സുരേന്ദ്രനും അറിയിച്ചു.