കുളത്തൂർ:കുളത്തൂർ കോലത്തുകര ശാഖയിലെ മൈക്രോ യൂണിറ്റ് അംഗങ്ങൾക്കും നിർദ്ധനർക്കുമുള്ള സൗജന്യ ഓണക്കിറ്റ് വിതരണവും പഠനോപകരണ വിതരണവും സംസ്ഥാന ചലച്ചിത്ര അക്കാഡമി വൈസ് ചെയർമാൻ നടൻ പ്രേംകുമാർ ഉദ്ഘാടനം ചെയ്‌തു.ശാഖാ പ്രസിഡന്റ് കോലത്തുക മോഹനൻ അദ്ധ്യക്ഷത വഹിച്ച യോഗത്തിൽ നഗരസഭ കൗൺസിലർ ജിഷ ജോൺ, പി.കെ.എസ്.എസ്. യൂണിയൻ സെക്രട്ടറി ആലുവിള അജിത്ത്, യൂണിയൻ, വൈസ് പ്രസിഡന്റ് ചേന്തി അനിൽ, കോലത്തുകര ക്ഷേത്ര സമാജം പ്രസിഡന്റ് ജി.ശിവദാസൻ, സെക്രട്ടറി എസ്. സതീഷ് ബാബു, യൂണിയൻ കൗൺസിലർ കെ.വി. അനിൽകുമാർ, മണപ്പുറം ബി. തുളസീധരൻ ,എസ്. പ്രഹ്ളാദൻ,എൻ. മോഹൻദാസ് ,ജീവ ധർമ്മരാജൻ, സുകുമാരി, മംഗളശ്രീ, വിജയാംബിക, രാജലക്ഷ്മി, എന്നിവർ സംസാരിച്ചു. ശാഖാ സെക്രട്ടറി പ്രമോദ് സ്വാഗതവും, ജി.പി. ഗോപകുമാർ നന്ദിയും പറഞ്ഞു.